21 May 2015
« Older Entries Newer Entries » Subscribe to Latest Posts
મને મારી જાત સાથે મળવા દો
કરેલી હર ભૂલને ભૂલાવી દો
ડરાવો ના મોતના આઘાતોથી
કરી દો પરદા ગયેલી હર પળ પર
ચકાચૌંધે આંખને આંજી દીધી
જગત જૂઠાનું છે ‘સપના’ સાચું છે
9 Apr 2015
મૌલા
લગાગાગા લગાલગા ગાગાગા
જુલમની હદ નજર કરી દે મૌલા.
જખમનાં તું મલમ કરી દે મૌલા.
આ દુનિયામાં કતલ ન હો ખુદા યા
તું ખંજરને કલમ કરી દે મૌલા.
હટાવી દે બિહામણા મંજર યા
હ્રદય મારું ખડક કરી દે મૌલા.
અમન શાંતી કરી દે જગમાં યા
કયામતની ખબર કરી દે મૌલા.
કરોનાથી ઘણા દિપક બુઝાયા
હવે રહેમની નજર કરી દે મૌલા
ફરી સપનાએ હાથ ઉઠાવ્યાં છે.
દુઆમાં તું અસર કરી દે મૌલા.
22 Mar 2015
આવ તું
આવ તારું હું પણુ ભૂલી જઈને આવ તું,
જિંદગીમા પ્રેમનું અમૃત ભરીને ને આવ તું.
પ્રેમનો આભાસ આપી ને ગયો છે પ્યારથી
પ્રેમનું સ્પન્દન ફરી મનમા લઈ ને આવ તું.
મૌનથી થાકી ગઈ છું હું તું આ સન્નાટામાં હવે
પ્રેમના સંવાદની પરિભાષા લઈ ને આવ તું.
આંખ ના ઊંડાણમાંથી નીતર્યા છે વ્હાલ તો
આંખમાં સપના સુનેરા હા બની ને આવ તું
સપના વિજાપુરા
13 Mar 2015
નામ આપું
ઉદાસીનું કોઈ નામ આપું
તને સારું કોઈ કામ આપું
કરું મદહોશી નામ તારે
નજરનાં ઢળતાં જામ આપું
તું ગમ દુનિયાના વીસરી જા
હું ઝુલ્ફોની એ શામ આપું
ઘડી જો મહોબતની મળે તો
તું માંગે એવા દામ આપું
આ દુનિયા તો સપના તણી છે
તને એ જોવા હામ આપું
સપના વિજાપુરા
31 Jan 2015
સરકી જાય છે
હાથમાંથી હાથ સરકી જાય છે
આ સમય લોકોને ભરખી જાય છે
જિદંગી કડવાશથી એવી ભરી
મોત પણ જોઈને છટકી જાય છે
આજ સંબંધો છે, પણ પ્લાસ્ટિકના છે
હા તરત મુજ આંખ પરખી જાય છે
આવવું તારું છો આકસ્મિક હો પણ
દિલ હજું મારું ય ધડકી જાય છે
જિંદગી તારી હવાનું શું કરું?
આંખ મારી કેમ ફરકી જાય છે?
એક સપના, લાખ પીડા છે અહીં
માથું મારું રોજ સણકી જાય છે
સપના વિજાપુરા
1 Jan 2015
નયે સાલ
બહોત સારી ખુશિયોંસે દામન ભર જાયે નયે સાલ
એક કતરા ભી ખુને નાહક ના બહાયે નયે સાલ
એ ખુદા હમ અપને રૂઠોકો મના પાયે નયે સાલ
એ ખુદા બિછડે હુએસે જલ્દ મિલ પાયે નયે સાલ
એક ભી ના ભૂખા રહે ઔર ના પ્યાસા જાયે દરસે
હર દિલમે ઈન્સાનીયતકા જજબા જગાયે નયે સાલ
એ મેરે રબ ભટકે હુએકો સહી રાસ્તા દિખા દે તું
દુનિયાકે હર કોનેમે અમનકા પૈગામ પહોંચાયે નયે સાલ
હર દિલમે કૉઇ ના કોઈ તો ‘સપના’ સજા હૈ મેરે અલ્લાહ
હર દિલકે સપનેકો પૂરા કરકે જશન મનાયે નયે સાલ
સપના વિજાપુરા
28 Dec 2014
મળવા નહી આવું
ગુનાનો ટોપ ઓઢીને તને મળવા નહીં આવું
ચહેરો શ્યામ ઘોળીને તને મળવા નહી આવું
ખુદા જન્નત અહીં તું મોકલી દે ખાસ મારે કાજ
ધરા મારી હું છોડીને તને મળવા નહી આવું
હજારો દુઃખ છે મહોબતથી વધારે આ જગતમાં ભાઈ
એ તારે કાજ છોડીને તને મળવા નહીં આવું
કરી દે નામ મારે તું હ્રદય તારું નહીંતર હું
કહું છુ હાથ જોડીને તને મળવા નહી આવું
મુલાકાતય કદી ‘સપનાં’ મહી જો થાય તો બસ થાય
સુખી સંસાર છોડીને તને મળવા નહી આવું
સપના વિજાપુરા
13 Dec 2014
મારી નાની બહેન
આ કાવ્ય મારી મોટી બહેને મારાં માટે ખૂબ પ્રેમથી લખ્યું છે..આપ સર્વ આવી પ્રતિભાવ જરૂર આપશો..
સપના વિજાપુરા
જોવા મંડે છે સપનાં સમી સાંજનાં
કહે પૂરતાં નથી શું સપનાં રાતનાં?
ભલે કોઈ કવિતા નથી લખી બહેનો કાજ
પ્રેમ મારો રહેશે સદા તારી સાથમાં
દિલની કેટલી પ્રેમાળ નાજુક છે તું
તે પ્રતીતિ જગતને કરાવી તારાં કાવ્યો થકી
ફીલોસોફી તારા કાવ્યોની સહેલી નથી
જીવનની નવી રાહો બતાવી કાવ્યો થકી
સદા કદમ આગળ વધારતી રહે મંઝિલ તણી
સાથ લઈને શરીફનો શબ્બીરનો આગળ ભણી
શીરીન મરચંટ
મારાં મોટા બહેન
4 Dec 2014
સુવર્ણાબેનને અર્પણ
કેવું સુનું સુનું ભાસે, ઓરા આવો તો કહું સખી
જગ અંધારુઘોર લાગે, ઓરા આવો તો કહું સખી
ઓરડે ઓરડે હું ભટકું, મન નામ તમારું રટતું
અન્ન મારું ભાણે ઠરતું,ગળે ના ઉતરતું એક બટકું
દીઠવા તમને રોજ રોજ મન મારું બાવરું તરસતું
એજ સપનું મારી સુની સુની આંખે તરતું ફરતું
આવું તો કૈંક કૈંક મનમાં જાગે ઓરા આવો તો કહું સખી
આશાના દીવડા મારાં બુઝાઈ બુઝાઈ જાય
આંસુના ઝરણા મારાં કાં સુકાઈ સુકાઈ જાય ?
યાદોના પદછાયાં મારાં આજ ડસી ડસી જાય
રાત આખી મારી તારલા ગણી ગણી જાય
મન મારું મળવા રોજ ભાગે, ઓરા આવો તો કહું સખી
છબી આપની દિવાલ પર શોભે પ્યારી સુવર્ણા
કરું હું છબી સાથે વાતો કાલી કાલી સુવર્ણા
આંખનું મટકું હું ના મારું વ્હાલી સુવર્ણા
આવો સપને તો રાધા મોહન રમીએ વ્હાલી સુવર્ણા
હૈયાને થોડીક ટાઢક લાગે, ઓરા આવો તો કહું સખી
સપના વિજાપુરા
27 Nov 2014
હુસૈનને
સજદેમે ઝૂકાકર સરકો કટાયા હુસૈનને,
અપને લહુસે ઈન્સાનીયતકો બચાયા હુસૈનને
જાન દેકર ખુદકી જુલ્મકો મીટાયા હુસૈનને,
હક ઔર બાતીલકા ફર્ક દિખલાયા હુસૈનને
છોડકર યઝીદકે લશ્કરકો આયે હૂર તૌબાકો,
મહોબતસે દુશ્મનકો ભી દોસ્ત બનાયા હુસૈનને
કુરબાનીએ હુસૈનકા ચર્ચા હોને લગા કાયનાતમે,
આસમાનકે ફરીશ્તોકો ભી રૂલાયા હુસૈનને
તીરોકી બારિશમે નમાઝ અદા કર લી હુસૈનને
દુનિયાકો નમાઝકા મરતબા સીખાયા હુસૈનને
લૂટાકર ઝેહરાકા કુમ્બા કરબલાકી તપતી ઝમીનપે
ઈસ્લામ ઔર નાનાકી ઊમ્મતકો બચાયા હુસૈનને
પરદેશમે ભી ‘શરીફ’ ગમે હુસૈનકો મનાતા હૈ
હર જગાહકો કરબલા બનાયા હુસૈનને
શરીફ વિજાપુરા
-
Browse
or