Category Archives: હાયકુ

હાયકુ

સખા તમને
પધારવા દિલમાં
આમંત્રણ છે


રાત દિવસ
વિરહમાં બળવા
આમંત્રણ છે

બારણે ટેકો,
રસ્તો તાંકવાને
આમંત્રણ છે

દર્દ હોયતો
આંખે ચોમાસુ થવા
આમંત્રણ છે.

તોડીને દિલને,
વીણવા ટૂકડાઓ
આમંત્રણ છે

રાત પડેને,
સપના બની આવ
આમંત્રણ છે

સપના વિજાપુરા

ધડકન વધે

ધડકન વધે

નામ તારું સાંભળી ધડકન વધે,
પ્રેમની આ આગમાં બળતણ વધે

આ જમાનો તો છે દુશ્મન પ્યારનો
પ્યાર જ્યાં જ્યાં બસ વધે અડચણ વધે.

ખૂનથી મેં સાફ કર્યુ છે આ હ્રદય
એ છતાં આ ઉર મહી રજકણ વધે.

માન ને અપમાન ભૂલી જા સજન,
હેત પ્રિતથી સર્વના સગપણ વધે.

આ મિલનનો અંત આવે ના કદી,
આજ તો અલ્લા કરે, આ ક્ષણ વધે.

પ્રેમનો એવો ને એવો રંગ છે,
વયની સાથોસાથ બસ સમજણ વધે.

થાય સપનાં આપણાં સાકાર તો,
નાનું અમથું મારું આ આંગણ વધે.

સપના વિજાપુરા

હાયકુ

હાયકુ
અંત સમયે
પાસ તુ નહીં હોય
ઉદાસ મૃત્યુ

નામ ભુસાડું
હથેળીમાં લખેલુ
દલડાનું શું?

જીવનમાં તું
નહીં હોય, ઉદાસ
મારૂ જીવન

સપના