2 Sep 2009
સ્પર્શી લઉં છું
હાથ લંબાવી સ્પર્શી લઉં છું,
બંધ આંખે હું જોઈ લઉં છું.
બંધ આંખે હું જોઈ લઉં છું.
આપણાં રસ્તા ક્યારેક મળશે,
માર્ગમાં પળ ભર થોભી લઉં છું.
હાથની રેખા બદલાઈ તેથી,
હાથને હું પણ મસળી લઉં છું
તું ખુદા સાથે સાથે મને મળ,
નામ તારું પણ જાપી લઉં છું.
આજ દુનિયાનાં નિયમથી હારી,
ઊંડે ઊંડે હું સળગી લઉં છું
આ જમાનો ક્યાં છે સત્ય કેરો?
વાળ મારાં પણ રંગી લઉં છું.
શું કરો આ વિધિઓ સંગ ખટપટ?
શીશ ઝૂકાવી માની લઉં છું
ખારની માફક ખૂંચે છે સપનાં,
આંખથી એને વીણી લઉં છું.
છંદ ગાલગાગા ગાગાગા લગાગા
સપના
ખુબ સુંદર અને સરસ ગઝલ !!
પ્રવિણ કે.શ્રીમાળી
September 3rd, 2009 at 4:39 ampermalink
છંદના અલગ અલગ આવર્તનો મેળવીને નવા છંદ બનાવવાનો પ્રયાસ પ્રશસ્ય ખરો પણ એ સર્વસ્વીકૃત ખરો?
મૂળ વાત છે ગાયકી… છંદોના આવર્તનો ગોઠવ્યા પછી એ પ્રવાહિતાપૂર્વક ગેય પણ રહેવા જોઈએ…
વિવેક ટેલર
September 3rd, 2009 at 7:56 ampermalink
આપણાં રસ્તા ક્યારેક તો મળશે,
માર્ગમાં પળ ભર થોભી હુ જોઇ લઉ છુ
Bhabhi i tried to add a word in this Muktak may be i felt its appropriate.. Just wrote what i felt.
Santosh Bhatt
Santosh Bhatt
September 4th, 2009 at 3:51 ampermalink