13 Jul 2009
મારાં સમ છે
જવાની હઠ ન કરશો ,આજ મારાં સમ છે,
હ્રદયને ના સતાવો આજ મારાં સમ છે.
ગગનમાં મેઘ વરસે,વિજ ચમકે આભે,
હ્રદય તર બોળ ભીંજો આજ મારાં સમ છે.
નયન રડશે અને આ ચિત મારું રડશે,
નયન ને ના રડાવો આજ મારાં સમ છે.
જુઓ આ જળ વગર તડપે અરે વૈસારિણ,
સબક કાઈક શીખો આજ મારાં સમ છે.
પવન છાની કરે ગોષ્ટિ ને ફૂલો મલકે,
ખબર થોડી તો રાખો આજ મારાં સમ છે.
છે ચણિયો મોરલાળો,ચૂંદડી આ ઢળતી,
નજર તો આપ ધરજો આજ મારાં સમ છે.
નથી કો આસપાસે,સૂર્ય ડૂબ્યો સાંજે,
સમયને આપ થામો,આજ મારાં સમ છે.
શશી પ્રિય આગમનને ઊજવે છે તારૂ,
શશીની સંગ નાચો, આજ મારાં સમ છે
પડું પગ,કરગરૂ ને હાથ જોડું છું હું,
સજન સપનાં ન છોડો આજ મારાં સમ છે.
છંદઃલગાગાગા લગાગાગા લગાગાગા ગા
સપના
જુઓ આ જળ વગર તડપતી વૈસારિણ
– આ પંક્તિમાં છંદ તૂટે છે…
બીજી વાત, કાફિયાદોષ અંગે. મત્લાના શેરમાં છોડો અને તોડો વાપર્યું હોય તો પછી બાકીના શેરમાં જોડો, અછોડો, ખોડો, વખોડો વગેરે જ વાપરી શકાય… અહીં જે રીતે મુક્ત કાફિયા વાપર્યા છે એને માન્ય રાખવું હોય તો મત્લાના શેરમાં કોઈ એક મિસરામાં કાફિયાનો આધાર બદલવો જરૂરી છે…
વિવેક ટેલર
July 14th, 2009 at 6:35 ampermalink
હ્રદય તરબોળ ભીંજો …..
સરસ !
P Shah
July 14th, 2009 at 7:27 ampermalink
અદભૂત
હ્રદયગમ્ય પંક્તિઓ,
હ્રદય ચડ્યુ હિલ્લોળે, જોઇ આપ કેરા “સપના”
બસ આમ જ લખતા રહો, આજ મારા સમ છે.
http://www.aagaman.wordpress.com
Mayur Prajapati
Mayur Prajapati
July 15th, 2009 at 6:43 ampermalink
જવાની હઠ ન કરશો ,આજ મારાં સમ છે,
હ્રદયને ના સતાવો આજ મારાં સમ છે.
કાફિયાના બદલાવ પછી ગઝલ બંધારણની રીતે વધુ મજબૂત બની છે.
ભાવ તો સરસ જ છે. બંધારણ અને ગઝલિયત વધુ નીખરે એવા પ્રયત્ન ચાલુ રાખો.
પંચમ શુક્લ
July 15th, 2009 at 12:41 pmpermalink
જુઓ આ જળ વગર કેવી તડપે વૈસારિણ,
સબક કાઈક શીખો આજ મારાં સમ છે.
ભાવોને સરસ રીતે ગઝલમાં વીટી લીધ છે..
દિવસે દિવસે ગઝલમાં ચમક વધતી જાય છે..સારી વાત છે.
vishwadeep
July 15th, 2009 at 2:23 pmpermalink
‘આજ મારા સમછે વાઁચી’સવાર સુધરી ગઇ,
gopal h parekh
July 16th, 2009 at 3:22 ampermalink
જુઓ આ જળ વગર તડપે અરે વૈસારિણ,
સબક કાઈક શીખો આજ મારાં સમ છે.
પવન છાની કરે ગોષ્ટિ ને ફૂલો મલકે,
ખબર થોડી તો રાખો આજ મારાં સમ છે.
બહુ સરસ હ્વવે તમારી ગઝલ માણવાની વધારે મઝા આવે છે
ગુજરાતી-bharat suchak
July 17th, 2009 at 2:57 ampermalink
બંધ આંખના સપનાતો હર કોઈ જુએ,
ખુલી આંખના સપના દેખાડે તે ‘સપના’.
મારું પણ સપનું છે એક મુઠ્ઠી આસમાનનું
જો તમે ના દેખાડો તો આજ મારા સમ છે.
Kamal
July 17th, 2009 at 10:50 ampermalink
અરે તમે તો ખરેખર બહુ જ સરુ લખો ચ્હો……….i want to askone question after seeing ur poem………….
vivek tank
August 18th, 2009 at 2:59 pmpermalink
my email is
vivek tank
August 18th, 2009 at 3:21 pmpermalink
u can see my email in my blog ” mara vise be shabdo “
vivek tank
August 18th, 2009 at 3:29 pmpermalink