21 Mar 2019

કવિતા

Posted by sapana

 

કવિતા દિવસ મુબારક મારાં કવિતા પ્રેમીઓને!!

ફૂલ જેવી એક રચના છે કવિતા
આપણી તો રોજ ચર્ચા છે કવિતા

વાત જાણે મૌન ભાષાની કવિતા
કેટલી સુંદર, સુંદરતા છે કવિતા

હું ગઝલ કહું કે કહું કોઈ કવિતા
પ્રેમ બન્નેથી છે, આત્મા છે કવિતા

એક એક શબ્દ અગ્નિ વરસાવે
આમ જુઓ તો લો તણખા છે કવિતા

ચાલ દિલ કોઈ મજાની કવિતા લખ
આ દિવસ કવિતાનો, કવિતા છે કવિતા

લાવ કંકુ, પાથરું હું રસ્તામાં
કંકુવરણા લાલ પગલા છે કવિતા

હું તને ચાહુ તું ચાહે છે મને પણ
આપણી દોસ્તી તો સપના છે કવિતા

સપના વિજાપુરા 

Subscribe to Comments

4 Responses to “કવિતા”

  1. વાહ્ બહુ સરસ રચના. દરેક લીટી મજાની છે.
    સરયૂ પરીખ્

     

    SARYU PARIKH

  2. સપનાબેન,
    કવિતા પ્રેમ સાશ્વત રહે કવિતા લખતા રહો,

     

    Indu Shah

  3. આભાર ઇન્દુબેન તમે કેમ છો ?

     

    sapana

  4. આભાર સર્યુબેન

     

    sapana

Leave a Reply

Message: