13 Jan 2013

યાદોનાં મોતી

Posted by sapana

આજે સાવરણી લઈને બેઠી,
દિલનો કચરો ચાલ વાળી લઉ.
દ્વેષ,ઈર્ષા,વેર,ઝેર વાળીને ફેંકુ,
આજે દિલની સફાઈ કરી લઉ.
લાગી ગયાં છે નફરતના જાળાઓ,
આજે એ જાળાઓની સાફસુફી કરુ.
વાળતાં વાળતાં મોતી મળી આવ્યાં,
હતા એ તારી યાદનાં મોતી મોંઘા.
ઘણા પ્રયત્નો કર્યા એને વાળવાં,
સરકી જાય,છટકી જાય,દડી જાય,
સાવરણીમાં ન આવે એ મોતી,
હારી થાકી બેસી ગઈ હું માથું પકડી,
ભલે રહયા,નથી નડતાં મને એ,
નથી એ છળ,કપટ,વેર,ઝેર,દ્વેષ,
નથી એ મારા મનનો કચરો કે મેલ,
‘સપના’ની સાથે મનમેળ એનો,
વીણી વીણીને માળા બનાવીશ,
એક સપનું,એક મોતી એમ પરોવીશ,
તારાં ચરણોમાં અર્પીશ યાદોની માળા.

-સપના વિજાપુરા

04-17-2009

Subscribe to Comments

6 Responses to “યાદોનાં મોતી”

યાદોના મોતીની માળા એટલે હીરાથી વિશેષ મોંઘી માળા…બરાબર ને ? ખુબ સરસ….ખુબ સરસ…

Devika Dhruva

January 13th, 2013 at 10:53 pmpermalink
સુંદર ભાવોના આ મોતી છે. યાદોની માળામાં ગુંથાયેલાછે.
સરસ હૃદય ભીંજવતી વાત.
રમેશ પટેલ(આકાશદીપ)

Ramesh Patel

January 13th, 2013 at 11:02 pmpermalink
તેરે ભયે માન લે ભલો બુરો સંસાર ।
“નારાયણ” તું બેઠકે અપનો ભવન બુહાર ।।
હે સંસારી જીવ ! તારી માન્યતા પ્રમાણે સંસારને ભલો કે બુરો તું માની લે, પણ હે નારાયણ ! (આ દોહો લખનાર પોતાના મનને શિખામણ આપે છે) તું સાવધાન થઇને તારૂં જ ઘર (હૃદય) સાફ કર ! મતલબકે આપણે બીજાનો દોષ જોઇ તેના દોષ કઢાવવા પ્રયત્ન કરીયે છીએ પણ આપણામાં તો દોષ રૂપી કચરો કેટલોય પડ્યો હોય છે, તે તો સુઝતો નથી ને તેને સાફ કરતા નથી.
આજે સાવરણી લઈને બેઠી,
દિલનો કચરો ચાલ વાળી લઉ.
દ્વેષ,ઈર્ષા,વેર,ઝેર વાળીને ફેંકુ,
આજે દિલની સફાઈ કરી લઉ.
લાગી ગયાં છે નફરતના જાળાઓ,
આજે એ જાળાઓની સાફસુફી કરુ.
સુંદર યાદ
“જય દર્પણ જોનાર તું, જેવું તુજમાં એવું દીસે જગમાં.”
અને
“નીંદક નિયરે રાખીયે, આંગન કુટી બસાય” સાફસુફી થાય
બનશે યાદોની માળા.

pragnaju

January 14th, 2013 at 3:31 ampermalink
Nice thoughts A good poem

Shenny Mawji

January 14th, 2013 at 3:44 ampermalink
તળાવ ના કિનારે બેસી ને જયારે કકરી પાણી માં નાખીએ ને જે તરંગો ઉભા થાય તેને એક મિનીટ માટે વિચારી જુઓ ને કમ્પેર કરો આ ખુલી આંખ ના સપના ના મોતીઓ સાથે………ખુબ સરસ…સાયકોલોજીકલ દીપોજિત સમાનતા ના વાદળો ઘેરાય ત્યારે પાકે ને વ્યાજ ત્યારેજ દીપોજિત માં ઉમેરાય…તેને વટાવાય નહિ……

pradip raval,editor of jan fariyad Int.news paper

January 16th, 2013 at 2:48 pmpermalink
સપનાબેન,
સરસ !
ખુબ ગમ્યું.
DR. CHANDRAVADAN MISTRY
http://www.chandrapukar.wordpress.com
Hope to see you on Chandrapukar !

DR. CHANDRAVADAN MISTRY

January 30th, 2013 at 7:50 pmpermalink
હતા એ તારી યાદનાં મોતી મોંઘા.
ઘણા પ્રયત્નો કર્યા એને વાળવાં,

rajendradave

February 27th, 2013 at 3:16 pmpermalink