1 Jul 2012

દર્પણ

Posted by sapana

દર્પણ જૂઠ બોલે છે
જી હા દર્પણ જૂઠ બોલે છે
હું જ્યારે દર્પણ સામે ઊભી રહું છું
મને મારો ચહેરો નથી દેખાતો
દર્પણમાં તો મારું પ્રતિબીંબ હોવું જોઇયે
પણ આ શું?
એમાં મને મારો કરચલીવાળો ચહેરો નથી દેખાતો
જે હમેશા ઉદાસ રહે છે
એમાં મને એક જવાન ચહેરો દેખાય છે
જે ફૂલોની જેમ ખડખડાટ હસે છે
એની ઉઠતી ઝૂકતી આંખોમા પ્રેમની વર્ષા વરસે છે
જેના કાળા ભમર કેશ લહેરાઈ રહ્યા છે
હોંઠ ગુલાબની કળી જેવા ખીલી રહ્યા છે
આ ચહેરો મારો તો નથી
મારો તો થાકેલો ઉદાસ કરચલીવાળો ચહેરો છે
હા કદાચ એ ચહેરો હોય જે વર્ષો પહેલાં ગુમ થયો છે..
આ ચહેરો દર્પણે સાચવી રાખ્યો હોય મને દઝાડવા
આ મારો ચહેરો નથી
આ સપના નથી…
દર્પણ જૂઠ બોલે છે

સપના વિજાપુરા
૬-૧૮-૨૦૧૨

Subscribe to Comments

12 Responses to “દર્પણ”

  1. દર્પણ જુઠ ના બોલે…મુજે તો લગે કે વો કેહતા હૈ… ઓ મેરી જોહરાજબીં તુજે માલુમ નહિ તુ અભિ તક હૈ હંસી ઔર મૈ જવાન તુજ પે કુરબાન મેરી જાન મેરી જાન્…માયુસીંઓ મે છુપી યે કૈસી તેરી તન્હાઈ હૈ…!!

     

    Rekha shukla(Chicago)

  2. ખુબ સરસ.

     

    Nazir

  3. સરસ રચના છે આત્મ તપાસની-“આ ચહેરો દર્પણે સાચવી રાખ્યો હોય મને દઝાડવા….’

     

    himanshu patel

  4. દર્પણે દઝાડવા માટે નહીં પણ જે ખોવાયું છે તે ફરી મેળવવા માટે સાચવી રાખ્યો છે.

     

    Heena Parekh

  5. બહેન જી દર્પણ તો સાચુ જ હોય …જે હોય તે જ બતાવે…. તમને ભ્રમ થયો છે… સપનાબેન …તમે ગૂમ થયાજ નથી અને હા આ સાહિત્યક્ષેત્રેથી તો અમે આપને ગૂમ નહી જ થવા દઇએ……. આપ તરો તાજા જ છો અને રહેશો આપની રચનાઓની જેમ…..

     

    Narendra Jagtap

  6. તમે તમારા મન દર્પણની વાત કરી લાગે છે..!!

     

    અશોક જાની 'આનંદ'

  7. દર્પણએ સાચવ્યો છે એક સપના ચહેરો,
    આજે સપના એને નિહાળી કહે નથી એ મારો ચહેરો,
    તો, ચંદ્ર પૂછે છે દર્પણને, કોનો છે એ ચેહેરો ?
    તો, દર્પણ કહે “જેવા છો તમે, તેવો જ હોય ચેહેરો,
    પણ, જે હ્રદયભાવથી નિહાળો, માણો તમે એવો જ ચહેરો”
    અને હવે, હું જ સપનાને કહું”બેન મારી, છોડો ઉદાસી તમારી,
    હસતા રહો હંમેશા, કે દર્પણ પણ અનુભવશે ખુશી તમારી !”
    >>>>ચંદ્રવદન
    DR. CHANDRAVADAN MISTRY
    http://www.chandrapukar.wordpress.com
    Sapanaben & All …Inviting all to my Blog for the Post on HUMAN HEALTH.

     

    DR. CHANDRAVADAN MISTRY

  8. quite sentimental poetry, deeply peneterates heart and leaves behind an echoeing lasting effect…. i am very pleased…..
    rehman saaz

     

    sapana

  9. at the end we can not say
    ” I promise to mirror that ..I will bring that what is saved there ”
    Jagdish Vyas

     

    sapana

  10. સુંદર રચના….

     

    વિવેક ટેલર

  11. એમાં મને મારો કરચલીવાળો ચહેરો નથી દેખાતો
    જે હમેશા ઉદાસ રહે છે
    એમાં મને એક જવાન ચહેરો દેખાય છે
    જે ફૂલોની જેમ ખડખડાટ હસે છે
    એની ઉઠતી ઝૂકતી આંખોમા પ્રેમની વર્ષા વરસે છે
    જેના કાળા ભમર કેશ લહેરાઈ રહ્યા છે
    હોંઠ ગુલાબની કળી જેવા ખીલી રહ્યા છે
    આ ચહેરો મારો તો નથી
    મારો તો થાકેલો ઉદાસ કરચલીવાળો ચહેરો છે
    હા કદાચ એ ચહેરો હોય જે વર્ષો પહેલાં ગુમ થયો છે..

    આજ સાચો ચહેરો છે….જે કદી ઘરડૉ થતો નથી..ફૂલો ની જેમ હંમેશ હસે છે…પ્રેમની વર્ષા વરસાવે છે…
    આજ સાચો ચહેરો છે..
    સપના પણ ઉપનામ,બાનુમા પણ વ્યવહારનામ છે..
    જે પારમાર્થિક છે તેનું પ્રતિબ્ંબ દર્પણ ઝીલશે ત્યારે..
    …ચૈતન્યનો આનંદીત ચેહરો જ દેખાશે ..જે મરણધર્મા નથી, ઉદાસ નથી, ચિર, યુવાન, સત્ય, શીવ અને સુંદર, તરોતાજો
    રહે છે..તેનુ કોઇ નામ નથી..પણ આપણાુચિત્તના દર્પણ માં
    પ્રતિબિંબ જગતનું આપણા સર્જેલા આભાસી જીવ ‘હુ ‘નું દેખાય છે..
    સુખી દુખી મોહાત્મક બની જાય છે..મૂળ પ્રતિબ્ંબ જ્યારે શુધ્ધ દર્પણ માં દેખાય છે પેલા..ચૈતન્યના ચેહરાનું..
    જે સદા યુવાન્..હસતો ખિલતો આનંદિત્..જે તમે લઈને જ આવ્યા છો..

    આ ચહેરો દર્પણે સાચવી રાખ્યો હોય મને દઝાડવા
    અન્ય સૌ પ્રતિબિંબ જૂઠા જે સદા ઉપસાવતો..
    એક અસલી ચેહરો મેં સાચવ્યો અજવાળવા

     

    dilip

  12. સરસ…

     

    sneha patel - akshitarak

Leave a Reply

Message: