8 Aug 2011
જિંદડી નીકળી ગઈ
બહુ કીમતી એ ઘડી નીકળી ગઈ
હતી પળ બે પળ જિંદડી નીકળી ગઈ
દિવસ થાય ને રાત આવે અહીં તો
કે મહિના વરસની લડી નીકળી ગઈ
ગયો ગર્વ ફૂલોનો પણ આજ જ્યારે
ખરી ને બધી પાંદડી નીકળી ગઈ
હતી ગોદ પર્વત તણી પળ બે પળની
વિવશ થૈ નદી બાપડી નીકળી ગઈ
કરી મેં સિતારાને તારી ઘણી વાત
નયન આંસું લૈ રાતડી નીકળી ગઈ
ન મળ્યો મને એક આ શબ્દ ‘પ્રેમ’
મગજથી લો બારાખડી નીકળી ગઈ
મહેંકી ગયાં શ્વાસ મારાં ગુલાબી
હવા એમને બસ અડી નીકળી ગઈ
નહીં આજ ‘સપનાં’ નહીં જોઉં તારા
કરી જીદ બસ આંખડી નીકળી ગઈ
સપના વિજાપુરા
૭-૨૭-૧૧
કરી મેં સિતારાને તારી ઘણી વાત
નયન આંસું લૈ રાતડી નીકળી ગઈ
ન મળ્યો મને એક આ શબ્દ ‘પ્રેમ’
મગજથી લો બારાખડી નીકળી ગઈ
સુશ્રી સપનાબેન
એકએક શેર વાંચતાં જ દાદ નીકળી જાય છે. હૃદયની ઊર્મિઓને
લાજવાબ રીતે ગઝલમાં મઢી છે. સુંદર ગઝલ.
રમેશ પટેલ(આકાશદીપ)
Ramesh Patel
August 8th, 2011 at 6:43 pmpermalink
છંદની માવજત સાથે સરસ રદીફ,કાફિયાવાળી એક સુંદર ગઝલ.
Muhammedali Wafa
August 8th, 2011 at 7:59 pmpermalink
સપના, સરસ છંદોબધ્ધ ગઝલ લઇ આવી.
ગયો ગર્વ ફૂલોનો પણ આજ જ્યારે
ખરી ને બધી પાંદડી નીકળી ગઈ…આ શેર ખુબ મઝાનો થયો.
devika dhruva
August 8th, 2011 at 10:55 pmpermalink
ગયો ગર્વ ફૂલોનો પણ આજ જ્યારે
ખરી ને બધી પાંદડી નીકળી ગઈ
Atul Jani (Agantuk)
August 9th, 2011 at 3:06 ampermalink
સરસ ગઝલ…
આખી ગઝલમાં પડી, ઘડી, આંખડી જેવા કાફિયા વાપર્યા છે તો પછી મત્લાના શેરમાં જિંદગી શા માટે?
વચ્ચેના શેરોમાં બે-ચાર જગ્યાએ ‘ઈ’કારાન્ત કાફિયા વાપરવા જોઈએ નહિંતર એવું પ્રતીત થાય કે કવિને મત્લાના શેર માટે “ડી’ આધારવાળો કાફિયો મળ્યો નથી…
વિવેક ટેલર
August 9th, 2011 at 5:56 ampermalink
તમારી બધી જ રચનાઓ માણું છું. સુંદર ભાવો સાથે હોય છે.
દિનકર ભટ્ટ
August 9th, 2011 at 6:20 ampermalink
સરસ રચના,
ગયો ગર્વ ફુલોનો જ્યારે,
ખરીને બઘી પાંદડી નીકળી ગઈ.
સરસ.
urvashi parekh
August 9th, 2011 at 8:31 ampermalink
હતી ગોદ પર્વત તણી પળ બે પળની
વિવશ થૈ નદી બાપડી નીકળી ગઈ
આ વધુ ગમી
Lata Hirani
August 9th, 2011 at 1:44 pmpermalink
મહેંકી ગયાં શ્વાસ મારાં ગુલાબી
હવા એમને બસ અડી નીકળી ગઈ. સુંદર ગઝલ …બસ આવી સુંદર ગઝલ પિરસતા રહો..
vishwadeep
August 9th, 2011 at 3:45 pmpermalink
હતી ગોદ પર્વત તણી પળ બે પળની
વિવશ થૈ નદી બાપડી નીકળી ગઈ
ન મળ્યો મને એક આ શબ્દ ‘પ્રેમ’
મગજથી લો બારાખડી નીકળી ગઈ
આ બે શેર ખુબ જ સરસ … ફાઇન ગઝલ….
Narendra Jagtap
August 9th, 2011 at 6:18 pmpermalink
સરસ અભિવ્યક્તિ….
૩જો શેર બહુજ સુંદર થયો છે.
ગમ્યું.
ડૉ.મહેશ રાવલ
August 9th, 2011 at 8:54 pmpermalink
મહેંકી ગયાં શ્વાસ મારાં ગુલાબી
હવા એમને બસ અડી નીકળી ગઈ
— Nice one.
Preeti
August 10th, 2011 at 6:48 ampermalink
મહેંકી ગયાં શ્વાસ મારાં ગુલાબી
હવા એમને બસ અડી નીકળી ગઈ
Nice one
ઘણા લાંબા સમય પછી થોડો અવકાશ મળ્યો
ખુબ જ સરસ રચના
મેં પણ થોડુ લખ્યુ છે અવશ્ય મુલાકત લેજો
Mayurkumar
August 10th, 2011 at 7:35 ampermalink
ગયો ગર્વ ફૂલોનો પણ આજ જ્યારે
ખરી ને બધી પાંદડી નીકળી ગઈ……………………
સપનાબેન,
સરસ ગઝલ.
ખુબ જ ગમી !
DR. CHANDRAVADAN MISTRY (Chandrapukar)
http://www.chandrapukar.wordpress.com
Inviting all to Chandrapukar !
DR. CHANDRAVADAN MISTRY
August 10th, 2011 at 2:24 pmpermalink
હતી ગોદ પર્વત તણી પળ બે પળની
વિવશ થૈ નદી બાપડી નીકળી ગઈ..સુન્દર અભિવ્યક્તિ…
chandralekha rao
August 10th, 2011 at 4:54 pmpermalink