17 Jun 2011
હું ખોલું કે તું ખોલે?
આપણી વચેનું બારણું હું ખોલું કે તું ખોલે?
બારણા વચેની સાંકળું હું ખોલું કે તું ખોલે?
ભેદ આમ તો અકબંધ છે હ્રદયમાં ખાસ ખાસ
ઊડવા દે એને પાંજરું હું ખોલું કે તું ખોલે?
આંખમાં તો ચોમાસું ય વાટમાં કે વરસી જાઉં
બોલ આંખનું આ બાંધણું હું ખોલું કે તું ખોલે?
લો થઈ ગયું છે એક પ્રેમનું તો ગઝલાલય અહીં
આ કિતાબનું પૃષ્ઠ આપણું હું ખોલું કે તું ખોલે?
ધોધમાર વર્ષામાં ભલે હ્રદય ભીંજાઈ જાય
ભાન ક્યાં? છત્રીનું ઢાંકણું હું ખોલું કે તું ખોલે?
દૂર દૂર સુધી કો’ એંધાણ ના એના આવવાના
સુનું આ પડેલું પારણું હું ખોલું કે તું ખોલે?
શ્વાસ સાથ છોડી ને જશે સમય આવ્યો દફનનો
તો કહે કબરનું બારણું હું ખોલું કે તું ખોલે?
બંધ આંખનાં સપનાં કદી નથી હોતા એ સાચાં
બંધ મારી આ પાપણું હું ખોલું કે તું ખોલે?
ગાલગા લગાગા ગાલગા લગાગા ગાલગાગા
સપના વિજાપુરા
૬-૧૬-૨૦૧૧
બંધ આંખનાં સપનાં કદી નથી હોતા એ સાચાં
બંધ મારી આ પાપણું હું ખોલું કે તું ખોલે?
સુંદર ..
દૂર દૂર સુધી કોઈ આશ ના એના આવવાની
સુનું આ પડેલું પારણું હું ખોલું કે તું ખોલે?
Daxesh Contractor
June 17th, 2011 at 12:43 ampermalink
દ્ક્ષેશભાઈ અહીં પારણું જ લીધું છે માં બનવાના ઓરતા અને આવનાર કદી ના આવે તો બાંધેલું પારણું ખોલવાની વાત છે
sapana
June 17th, 2011 at 12:49 ampermalink
સરસ રચના,આ
આપણી વચેનુ બારણુ હુ ખોલુ કે તુ ખોલે,
અને સુનુ પડેલુ પારણુ , આ વાતો સરસ રીતે શબ્દો માં વ્યક્ત થઈ છે.
દુખ દેખાય છે.
urvashi parekh
June 17th, 2011 at 1:59 ampermalink
સુનું આ પડેલું પારણું હું ખોલું કે તું ખોલે?
બંધ મારી આ પાપણું હું ખોલું કે તું ખોલે?
સ્ત્રી સહજ કલ્પનો સુપેરે આલેખાયા છે,
અભિનંદન !
P Shah
June 17th, 2011 at 5:02 ampermalink
બહુ મસ્ત ,
આપણી વચેનું બારણું હું ખોલું કે તું ખોલે?
બારણા વચેની સાંકળું હું ખોલું કે તું ખોલે?
mehul
June 17th, 2011 at 8:33 ampermalink
દફનનો સમય આવી ગયો હોય ત્યારે કબરનું બારણું આપણાથી શી રીતે ખોલાય? !
જોક્સ એપાર્ટ .. ગઝલ ગમી.
સુરેશ જાની
June 17th, 2011 at 6:07 pmpermalink
ભાવાત્માક ગઝલ છેક અંદર સુંધી ડુબાડવા સક્ષમ છે.
સુંદર ગઝલ..સપનાબેન.
રમેશ પટેલ(આકાશદીપ)
Ramesh Patel
June 18th, 2011 at 12:09 ampermalink
બહું જ સરસ !
અરે, વાંચી, બારણુ મેં જ ખોલ્યું
નજર અંદર મારી,
સપના છબી પ્યારી,
પણ, તું ના બોલી,
હલાવતા તું જાગી,
ભાઈ ચંદ્ર કહી હસી,
ચંદ્રે તને બેન કહી,
હવે, બારણું ખુલ્લુ રહે,
અને, હ્રદયઝરણે સ્નેહ વહેતો રહે !
>>>>>>ચંદ્રવદન્
DR. CHANDRAVADAN MISTRY
http://www.chandrapukar.wordpress.com
Sapanaben…See you on Chandrapukar.
DR.CHANDRAVADAN MISTRY
June 18th, 2011 at 5:17 ampermalink
ધોધમાર વર્ષામાં ભલે હ્રદય ભીંજાઈ જાય
ભાન ક્યાં? છત્રીનું ઢાંકણું હું ખોલું કે તું ખોલે?
વાહ દીદી, સરસ રચના છે….મજા આવી ગયી…..
prashant
June 18th, 2011 at 6:45 ampermalink
સુન્દર ભાવ વ્યક્ત થયા છે.
dilip
June 18th, 2011 at 6:19 pmpermalink
ક્યા બાત હૈ…
bhavesh bhatt
June 18th, 2011 at 9:22 pmpermalink
સપનાજી…
પ્રથમ અભિનંદન સુંદર રદિફ માટે અને એ અભિનંદનને બેવડાવી,
રદિફ-કાફિયાને નિભાવવા ભાવ,તર્ક,વિષય,વિસ્તાર બધુંજ અભિવ્યક્તિને નિખાર આપવામાં જે રીતે ઉપયોગમાં લેવાયું- એનાં માટે….
પ્રથમ ૨ શેર અને ત્રીજા શેર વચ્ચે નિયત કરતાં એક સ્પેસ વધુ જણાઈ…!
ડૉ. મહેશ રાવલ
June 19th, 2011 at 8:51 pmpermalink