23 Apr 2011
મેહુલો
મિત્રો,
શિકાગોમાં અત્યારે વરસાદની ઋતુ ચાલી રહી છે…અને વરસાદને જોઈને મલપતું કાવ્ય બની ગયું આશા છે આપને ગમશે…ઘણું કહેવું હતું પણ નથી કહેવાયું..થોડાંમાં જાજુ સમજવું…
સપના
ગરજતો ને વરસતો મેહુલો આવ્યો
તરસતોને તલપતો મેહુલો આવ્યો
કડકતી વીજ ડસતી વિજોગણને
ચમકતો ને કડકતો મેહુલો આવ્યો
છે ઘૂંઘટમાં નવેલી નાર શરમાતી
મરકતોને મલપતો મેહુલો આવ્યો
ધરા તરબોળ થઈ છે પ્રેમમાં મેહથી
છલકતો ને ઢલકતો મેહુલો આવ્યો
લચે ફૂલો ને ભીંજાઈ કળીઓ પણ
લચકતો ને લપટતો મેહુલો આવ્યો
નરમ ધરતી પહેરે ચૂંદડી લીલી
હરખતો ને અડકતો મેહુલો આવ્યો
વહાલો છે વહાલાં સમ એ ‘સપનાં’નો
લપકતો ને ઝપકતો મેહુલો આવ્યો
સપના વિજાપુરા
૪-૨૨-૨૦૧૧
વર્ષાના વધામણાં …. અહીં લોસ એન્જલસમાં પણ થોડા થોડા દિવસે પધરામણી થયા કરે છે.
ધ્યાન દોરવાનું મન થાય છે … મલપતો કાફિયા બે વાર વપરાયો છે …
Daxesh Contractor
April 23rd, 2011 at 7:13 ampermalink
આભાર દક્ષેશભાઈ!
સપના
sapana
April 23rd, 2011 at 12:36 pmpermalink
સપનાજી સુંદર વસરાદના વધામણાનું પ્રેમાળ વિધાયક કાવ્ય…ગમ્યુ..
ધરા તરબોળ થઈ છે પ્રેમમાં મે’ની… આ ન સમજાયું
dilip
April 23rd, 2011 at 1:21 pmpermalink
સરસ, વરસાદની રમઝટ અને એના નર્તનનું કર્ણચિત્ર કાફિયામાં ઝીલાયું છે.
himanshu patel
April 23rd, 2011 at 3:31 pmpermalink
ગમ્યું. કેટલાક શબ્દો બદલી એનું સુંદર બાલગીતમાં રૂપાંતર પણ થઈ શકે! સપનાબહેન, એમ કરો તો આ મૂળ ગીત પણ રહેવા દેજો.
–ગિરીશ પરીખ
Girish Parikh
April 23rd, 2011 at 4:21 pmpermalink
નરમ ધરતી પહેરે ચૂંદડી લીલી
હરખતો ને અડકતો મેહુલો આવ્યો
>>>>>>>>>>>>>>>>>>
સપનાજી..બહાર વરસતા મેહુલાને નિહાળી…આ રચના ! સુંદર !
DR. CHANDRAVADAN MISTRY
http://www.chandrapukar.wordpress.com
Inviting all to Chandrapukar !
DR. CHANDRAVADAN MISTRY
April 23rd, 2011 at 4:34 pmpermalink
મલપતા મેહુલાને યથાર્થ રીતે વધાવતી અભિવ્યક્તિ.
Pancham
April 23rd, 2011 at 5:57 pmpermalink
હરખતો ને અડકતો મેહુલો આવ્યો
………………..
વરસાદ મેઘ મેહુલો કવિ હૃદયે સુંદર રીતે ઝીલ્યો.
રમેશ પટેલ(આકાશદીપ)
Ramesh Patel
April 24th, 2011 at 12:41 ampermalink
સરસ રચના. અહી ઈન્ડીયામાં કાળઝાળ ગરમીમાં પણ ભીજવી ગઈ.
Manhar Mody ('mann' palanpuri)
April 25th, 2011 at 7:08 ampermalink
અહાહા….એકદમ મીઠું મીઠું
સ્નેહા..
sneha
May 2nd, 2011 at 6:55 ampermalink
ઘણુઁ ગમ્યુઁ, શેર કરવા બદલ આભાર.
D. N. SHAH.
June 15th, 2015 at 3:46 ampermalink