27 Nov 2010
ફરું છું
કફનના વિના લાશ લઈને ફરૂ છું
નથી શ્વાસ ઉચ્છવાસ લઈને ફરૂં છું
સતત ત્રાસ દેનાર જુલ્મી સમાજો
રિવાજો તણો પાશ લઈને ફરૂ છું
હતો શોખ તો આટલો જિંદગીનો
હું એનો જ પરિહાસ લઈને ફરું છું
અગનની પછેડી બદન પર લપેટું
હવાનું હું આકાશ લઈને ફરું છું
ચમન તો સુકાઈ ગયો છે પહેલાં
હું વેરાનમાં આશ લઈને ફરૂ છું
વફાઓ બધી બેવફાઈ બની ગૈ
હું તો પ્રેમ ઉપહાસ લઈને ફરું છું
ખુદા છો રહે તવ ખુદાઈ સલામત
હું પણ એક ઇતિહાસ લઈને ફરું છું
કબ્રસ્તાન ‘સપનાં’ તણુ છે હ્રદયમાં
હું સપનાં, ઘણી લાશ લઈને ફરું છું
સપના વિજાપુરા
ખુદા છો રહે તવ ખુદાઈ સલામત
હું પણ એક ઇતિહાસ લઈને ફરું છું
ખુબજ સુંદર..શે’ર.. અભિનઁદન
vishwadeep
November 27th, 2010 at 6:12 pmpermalink
અગનની પછેડી બદન પર લપેટું
હવાનું હું આકાશ લઈને ફરું છું
નિરાશાની ગઝલ જીવન નિરાશાથી ઘેરાય જાય છે ફરી આશાનો સંચાર નવી સવાર લઈ આવે છે નવુ જીવન,.. ક્યા તો છે તે જ નવું લાગે મનોવ્રુત્તિને રહુ કરતી રચના વેધક રીતે રજુઆત કરી…આપ લખતા રહો..શુભેચ્છા..
dilip
November 27th, 2010 at 6:48 pmpermalink
ચમન સુકાઈ ગયો છે પહેલાં
હું વેરાનમાં આશ લઈને ફરૂ છું
ચમન તો ..આ એક ગુરુ અહી ખૂટ્રતો..કદાચ ટાઈપ કરવાનું આપથી રહી ગયુ હશે..
સુંદર રજુઆત ગઝલ દુખ અને દર્દમાંથી જ આવે..ગહન વાત કહી જાય..
માનવજીવનની કટ હકીકર છે ઉદાસી..હારુન પટેલની ગઝલ યાદ આવી ગઈ..
ગલીના જ નાકે મળી ગઈ ઉદાસી..
dilip
November 27th, 2010 at 6:57 pmpermalink
અગનની પછેડી બદન પર લપેટું
હવાનું હું આકાશ લઈને ફરું છું …
ખુદા છો રહે તવ ખુદાઈ સલામત
હું પણ એક ઇતિહાસ લઈને ફરું છું
સુન્દર …
Daxesh Contractor
November 27th, 2010 at 8:04 pmpermalink
વાહ્
મત્લાએ જ મારી નાંખ્યા
યા દ
યે લાશે બે કફન ‘અસદે’ ખસ્તા જાં કી હૈ,
હક મગફિરત કરે અજબ આઝાદ મર્દ થા. ગાલિબ પોતાની ગઝલોમાં આઝાદીને ઘણુંજ મહત્વ આપે છે.આ શેરમાં ગાલિબ પોતાની કફન વગરની ઘાયલ અને બદહાલ લાશને રસ્તા પર પડેલી જોઇ અફસોસ નથી કરતો,પણ કહે છે કે આ માણસ કેટલી આઝાદ તબિયતનો હતો!જીવનમાં તો તે રીત રિવાજોથી મુકત રહ્યો,અને મર્યા પછી પણ એ કફનનાં બંધન ને કબરની ભીંસથી મુકત ને આઝાદ છે.
pragnaju
November 27th, 2010 at 8:09 pmpermalink
કબ્રસ્તાન ‘સપનાં’ તણુ છે હ્રદયમાં
હું સપનાં, ઘણી લાશ લઈને ફરું છું…
સુંદર !
P Shah
November 28th, 2010 at 3:36 ampermalink
એક વેદના સભર આ ગઝલ એક ઊંડાણમાં લઈ જવા સક્ષમ છે.
સપનાબેન..આ ભાવવાહી ગઝલના એકએક શેર સુંદર છે.
રમેશ પટેલ(આકાશદીપ)
Ramesh Patel
November 28th, 2010 at 3:55 ampermalink
સુંદર ગઝલનો આ શે’ર વધુ ગમ્યો!
ચમન તો સુકાઈ ગયો છે પહેલાં
હું વેરાનમાં આશ લઈને ફરૂ છું!
સુધીર પટેલ.
sudhir patel
November 28th, 2010 at 4:25 ampermalink
વાંચવી ગમે તેવી ગઝલનો આ શેર વધું ગમ્યો….
ખુદા છો રહે તવ ખુદાઈ સલામત
હું પણ એક ઇતિહાસ લઈને ફરું છું
himanshu patel
November 28th, 2010 at 6:26 ampermalink
સુંદર !
કબ્રસ્તાનમાં છંદ તૂટે છે…
વિવેક ટેલર
November 28th, 2010 at 7:28 ampermalink
વાહ વાહ સપનાબેન તમે તો ઉદાસી બિછાવી દીધી…અને તેમા પણ પ્રથમ મતલાનો અને છેલ્લો મક્તાનો શેર ઉપરાંત આ શેર ઘણો ગમ્યો
ચમન તો સુકાઈ ગયો છે પહેલાં
હું વેરાનમાં આશ લઈને ફરૂ છું
ઇતના ગમ ના રખો સીને મે …ક્યા મજા હૈ ઐસે જીનેમે…
ખુબ જ સરસ ગઝલ બદલ દીલી અભિનંદન્
Narendra Jagtap
November 28th, 2010 at 3:24 pmpermalink
સરસ ગઝલ. કુદરતી અભિવ્યક્તિ ખીલી છે.
Pancham Shukla
December 2nd, 2010 at 8:05 pmpermalink
કેમ છો
મને તમારી સાઈટ ખુબજ પસંદ આવી
તમે પરદેશ મા રહી ને પણ સરસ કામ કરો છો.
આભાર
Mahesh Bavaliya
December 11th, 2010 at 10:10 ampermalink