29 Apr 2009

એકલવાયો

Posted by sapana

એકલવાયો

ઉદાસીનો માર્ગ છે એકલવાયો,

લાચારીનો માર્ગ છે એકલવાયો.

ચાલશે દુનિયા સંગ સંગ સુખમાં,

દુખનો માર્ગ છે એકલવાયો.

જરા જોયુ ભીતર ધ્યાનથી,

ભીતરનો માર્ગ છે એકલવાયો.

ભૂલી પડી હું દુનિયાનાં જંગલમાં,

જંગલનો માર્ગ છે એકલવાયો.

છૂટી ગયાં એક પછી એક સ્વજન,

લાગણીનો માર્ગ છે એકલવાયો.

વિસામો લીધો થોડી વાર અહીંયાં,

ઇશ્વરનો માર્ગ છે એકલવાયો.

એમ કહી છોડ્યા બધા સંબંધોને,

મૌતનો માર્ગ છે એકલવાયો.

સપનાંના ટોળાં છે આંખોમાં,

સપનાંનો માર્ગ છે એકલવાયો.

સપના