25 Apr 2010

ખળખળ થયું

Posted by sapana

રક્તમાં કાંઇક જો ખળખળ  થયું
ભાન તારા સ્પર્શનું તે પળ થયું

ચાંદ જેવું જોઇને આકાશમા
આંગણું અંતર તણું ઝળહળ થયું

વાંસળી જ્યાં  હોંઠ પર તારા અડી
સૂરનું સ્પંદન સરસ  સળવળ થયું

છે પસીનો  કોઈ પરવાના તણો
ફૂલ ઉપર બુંદનું  ઝાકળ થયું

યાદ તારી આમ તો છાની હતી,
ચંદ્ર નીરખી મન સતત ચંચળ થયું

પ્રેમની શક્તિ હશે એમાં જરૂર
મન બળ્યું ના, તન ભલે બળ બળ થયું

દોષ ગર એકાદ જાઉં  વીસરી
રોજ  ધોકો રોજ નવતર  છળ થયું


જોઉં ‘સપના’ હું ઝરણના રણમહીં
થોરના ઉપર ન કોઈ ફળ થયુ

-સપના વિજાપુરા

Subscribe to Comments

23 Responses to “ખળખળ થયું”

  1. છે પસીનો કોઈ પરવાના તણો
    ફૂલ ઉપર બુંદનું ઝાકળ થયું

    સુંદર રચના…

     

    vishwadeep

  2. ખૂબ સરસ ગઝલ. બધા જ શેર ગમ્યા.

     

    Heena Parekh

  3. વાંસળી જ્યાં હોંઠ પર તારા અડી
    સૂરનું સ્પંદન સરસ સળવળ થયું
    અન્ય શેર પણ સારા છે…
    સુંદર આસ્વાધ્ય ગઝ્લ મજા આવી ગઈ વાહ…લખતા રહો..
    અલ્લાહ કરે જૌરે કલમ ઔર જિયાદા.

     

    dilip

  4. વાંસળી જ્યાં હોંઠ પર તારા અડી
    સૂરનું સ્પંદન સરસ સળવળ થયું
    What a wonderful Sheir.Congratulations Sapnaji. The entire Gazal in itself is a very nice poetic creation.

    Siraj Patel “Paguthanvi”
    Secretary,Gujarati Writers’ Guild-UK (Estd:1973)

     

    Siraj Patel "Paguthanvi"

  5. વાંસળી જ્યાં હોંઠ પર તારા અડી
    સૂરનું સ્પંદન સરસ સળવળ થયું
    ……. ……. …..
    સરસ વિચારોથી મઢેલી ગઝલ.
    નવીનતાથી છલકતી.

    રમેશ પટેલ(આકાશદીપ)

     

    Ramesh Patel

  6. સ્રરસ ગઝલ.

     

    Pancham Shukla

  7. પ્રેમની શક્તિ હશે એમાં કદી
    મન બળ્યું ના, તન ભલે બળ બળ થયું

    Sapnaji, I will change ‘kadi’ to ‘jaroor’. We can say with confidence it was the power of LOVE which kept the spirit alive under all circumstances.

    Another good ghazal.

     

    Mahek Tankarvi

  8. સરસ. ભીજી રચનાઓ પણ જોઇ. આગળની વધારે ગમી.
    સરયૂ

     

    saryu parikh

  9. છે પસીનો કોઈ પરવાના તણો
    ફૂલ ઉપર બુંદનું ઝાકળ થયું
    એક સારો વિરોધાભાસ ઉભો કર્યો છે મનવીય અને કુદરતી સૌદર્યના સંબંધનો.

     

    himanshu patel

  10. મારી વેબસાઈટ http://www.vicharo.com ની મુલાકાત લો.

     
  11. યાદ તારી આમ તો છાની હતી,
    ચંદ્ર નીરખી મન સતત ચંચળ થયું…..

    અને, હવે, ચંદ્ર આ પોસ્ટ વાંચી કહે……
    સુંદર છે આ ગઝલ તારી ઓ સપના !
    લખતી રહે તું આવી ગઝલો ઘણી, ઓ સપના!
    સપના, “ચંદ્રપૂકાર”પર આવી, શબ્દો લખે જ્યારે,
    શબ્દો નીરખી, ચંદ્ર કહે, જીવનમાં કંઈક ખળખળ થયું !>>ચંદ્રવદન
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Sapana..THANKS for your visits/comments on my Blog….YOU & your READERS are invited to read Posts on HEALTH….NOW on DIGESTION !

     

    DR. CHANDRAVADAN MISTRY

  12. સરસ રચના..અભિનન્દન ….

     

    nilam doshi

  13. ફરી પાછો મોડો પડ્યો…

    “જોઉં ‘સપના’ હું ઝરણના રણમહીં
    થોરના ઉપર ન કોઈ ફળ થયુ”

    ખરેખર અદભુત વર્ણન…

     

    "માનવ"

  14. સુંદર ગઝલ!
    સુધીર પટેલ.

     

    sudhir patel

  15. વાહ..
    સુંદર ગઝલ..
    બધા શેર ગમ્યા.

     

    સુનીલ શાહ

  16. રક્તમાં કાંઇક જો ખળખળ થયું
    ભાન તારા સ્પર્શનું તે પળ થયું
    ચાંદ જેવું જોઇને આકાશમા
    આંગણું અંતર તણું ઝળહળ થયું
    વાંસળી જ્યાં હોંઠ પર તારા અડી
    સૂરનું સ્પંદન સરસ સળવળ થયું
    છે પસીનો કોઈ પરવાના તણો
    ફૂલ ઉપર બુંદનું ઝાકળ થયું

    ખુબ જ સુંદર …!!

     

    ચેતના

  17. સરસ ગઝલ થઇ છે. અભિનણ્દન.

    પંચમભાઇની વાત સાથે સંમત છું.

    +

    પસીનો શબ્દ પણ જરાક કઠે છે.

     

    Lata Hirani

  18. ખુબ્ જ સરસ્

     

    Paresh

  19. ખુબ જ સરસ્

    ઘણા સમય પછી તમારા બ્લોગ પર આવવાનુ થયુ

    મયુર પ્રજાપતિ

     

    Mayur

  20. છે પસીનો કોઈ પરવાના તણો
    ફૂલ ઉપર બુંદનું ઝાકળ થયું

    ઝાકળ વિશે દરેક કવિઓની કલમ ચાલી છે.. જુદા જુદા કલ્પનો એમાં વપરાયા છે. તમારી આ રચનામાં એક નવીન તાજગી જણાઈ. સુંદર રચના.

     

    Daxesh Contractor

  21. “વાંસળી જ્યાં હોંઠ પર તારા અડી
    ભાન તારા સ્પર્શનું તે પળ થયું
    સૂરનું સ્પંદન સરસ સળવળ થયું

    છે પસીનો કોઈ પરવાના તણો
    ફૂલ ઉપર બુંદનું ઝાકળ થયું “

     

    પટેલ પોપટભાઈ

  22. રક્તમાં કાંઇક જો ખળખળ થયું
    ભાન તારા સ્પર્શનું તે પળ થયું

    સુંદર… સ-રસ ગઝલ.

     

    ઊર્મિ

  23. laa jawab

     

    DAHYALAL C PANCHAL

Leave a Reply

Message: