23 Mar 2010
તારા વગર !
જીવવાનું છે હવે તારા વગર,
છે રહેવાનું ભલે તારા વગર.
લાગશે આ મેઘ બળબળતો અને,
ચાંદની ભડ ભડ બળે તારા વગર.
ગાન પંખીઓએ છોડ્યાં છે હવે,
મૌન ધરતી પણ ધરે તારા વગર.
એ વિરહની આગમાં બળશે હ્રદય,
ભસ્મિભૂત જગ થૈ જશે તારા વગર.
મારૂ હોવું કે ના હોવું એક છે,
મારૂ હોવું ક્યાં રહે તારા વગર.
‘સપના’ ક્યાંથી જોઉ ખુલ્લી આંખનાં,
કોણ આંખોમાં હશે તારા વગર.
-સપના વિજાપુરા
એ વિરહની આગમાં બળશે હ્રદય,
ભસ્મિભૂત જગ થૈ જશે તારા વગર.
બે મત્લા અને વિષયાનુરુપ શેર સાથે…
વિરહની વેદના વ્યકત કરતી ગમી જાય તેવી ગઝલ…
લખતાં રહો સપનાજી.
unterdeep
March 24th, 2010 at 10:31 ampermalink
કેમ જીવવુ તારા વગર
કેમ રેહવું તારા વગર
સુના લાગે ઉત્સવો તારા વગર
સુંદર શેહર પણ મૃતપાય લાગે તારા વગર
પૂરી કવિતા વાચો
મારો બ્લોગ
http://raj0702.blogspot.com/
લાઈવ ગુજરાતી નેટવર્ક
http://worldofpoems.ning.com/
ઓર્કુટ કોમ્યુનીટી
http://www.orkut.co.in/Main#Community?cmm=56547950
રાજ ની રચના
૫:૦૦ સાંજે
૨૪/૦૩/૨૦૧૦
raj - your friend
March 24th, 2010 at 1:06 pmpermalink
મૌન ધરતી પણ ધરે તારા વગર.
એ વિરહની આગમાં બળશે હ્રદય,
સપના…રચના ગમી !
ચંદ્રવદન
http://www.chandrapukar.wordpress.com
Hope to see you for MITRATA Post on VALIBHAI & today’s SUVICHARO !
DR. CHANDRAVADAN MISTRY
March 24th, 2010 at 2:22 pmpermalink
મારૂ હોવું કે ના હોવું એક છે,
મારું અસ્તિત્વ વિલીન તારા વગર.
સુંદર રચના..
vishwadeep
March 24th, 2010 at 4:03 pmpermalink
ફાફિયા-રદીફની બાબતમાં ગૂંચવાયા લાગો છો…
વિવેક ટેલર
March 25th, 2010 at 8:01 ampermalink
Nice poem
and kindly find some time to visit us.
"માનવ"
March 25th, 2010 at 9:52 ampermalink
કાફિયા-રદીફ વિશે બે શબ્દો:
રદીફ એટલે શેરના અંતભાગે આવતો એવો હિસ્સો જે ધ્રુવતારાની જેમ અવિચળ રહે છે અને દરેક શેરના અંતે પુનરાવર્તિત થાય છે. આ
જીવવાનું છે હવે તારા વગર,
રહેવાનું છે હવે તારા વગર.
– આ ગઝલમાં “છે હવે તારા વગર” રદીફ છે અને જીવવાનું-રહેવાનું ફાકિયા છે.
પણ આગળ ઉપર ગઝલ આ બંધારણને અનુસરતી નથી…
ઊત્સવો ઉજ્વાય ના તારા વગર,
શોકમય આ શ્હેર છે તારા વગર.
– બીજા મત્લામાં ‘તારા વગર” રદીફ સાબિત થાય છે પણ કાફિયા ક્યાંય નથી… ‘ના’ અને ‘છે’ કાફિયા કઈ રીતે બની શકે?
લાગશે આ મેઘ બળબળતો અને,
ચાંદની ભડ ભડ બળે તારા વગર.
ગાન પંખીઓએ છોડ્યા છે હવે,
મૌન ધરતી પણ ધરે તારા વગર.
એ વિરહની આગમાં બળશે હ્રદય,
ભસ્મિભૂત જગ થૈ જશે તારા વગર.
-આટલા શેર વાંચીએ ત્યારે એમ લાગે કે કવિ તારા વગરને રદીફ રાખીને કામ કરવા માંગે છે અને ધરે-જશે-બળે કાફિયા છે.. જો એમ હોય તો પહેલા શેરમાં બંને લીટીમાં ‘હવે’ ન જ આવી શકે…
મારૂ હોવું કે ના હોવું એક છે,
મારું અસ્તિત્વ વિલીન તારા વગર.
– ફરી અહીં વિલીન શબ્દ વાપરવામાં કાફિયો વિલીન થઈ ગયો છે…
‘સપના’ ક્યાંથી જોઉ ખુલ્લી આંખનાં,
કોણ આંખોમાં હશે તારા વગર.
વિવેક ટેલર
March 25th, 2010 at 1:44 pmpermalink
ગાન પંખીઓએ છોડ્યા છે હવે,
મૌન ધરતી પણ ધરે તારા વગર.
એ વિરહની આગમાં બળશે હ્રદય,
ભસ્મિભૂત જગ થૈ જશે તારા વગર.
ઊર્મિને સરસ શબ્દો અને અનોખી રીતે આપે ઊભરાવી છે.
નવિનતા મ્હેંકેછે,એક મજા મનમાં રમાડી જાય છે.
શ્રી વિવેકભાઈએ આપેલું માર્ગ દર્શન ખૂબ જ ઉપયોગી છે.
અભિનંદન,કૌશલ્ય પૂર્ણ કૃતિ માટે.
રમેશ પટેલ(આકાશદીપ)
Ramesh Patel
March 25th, 2010 at 5:46 pmpermalink
આપકે લીયે,
આંખો રડે આખો દિવસ તારા વગર,
છીપે નહી મારી તરસ તારા વગર.
અનિરુદ્ધ
aniruddhsinh
March 25th, 2010 at 8:41 pmpermalink
ખુબ જ સરસ ગઝલ…
પ્રવિણ કે.શ્રીમાળી
http://kalamprasadi.wordpress.com
પ્રવિણ કે.શ્રીમાળી
March 26th, 2010 at 9:57 ampermalink
સપનાજી,
ગઝલના સ્વરૂપ વિષે તો ઝાઝી સમજ પડે નહિ, પણ નીચેની પંક્તિમાં થોડોક જ સુધારો કર્યો હોય તો ઠીક રહેશે એમ લાગે છે.
“ગાન પંખીઓએ છોડ્યા છે હવે,”
ને બદલે
“ગાન પંખીઓએ છોડ્યાં છે હવે,”
અહીં ‘ગાન’ બહુવચન નાન્યતર જાતિમાં હોઈ ક્રિયાપદમાં ‘અનુસ્વાર’ મૂકવું પડે.
ભાવ દૃષ્ટિએ સરસ ગઝલ છે.
ધન્યવાદ,
વલીભાઈ મુસા
Valibhai Musa
March 27th, 2010 at 3:48 pmpermalink
કાવ્ય-વિશ્વમાં ફરી સ્વાગત છે!
ગઝલ સરસ છે, પણ વિવેકભાઈએ કહ્યું એમ ગઝલના નિયમો જાણવા અને જાળવવા પણ એટલા જ જરૂરી છે.
આભાર.
સુધીર પટેલ.
sudhir patel
March 29th, 2010 at 6:31 pmpermalink
ફરી આવ્યો….પ્રતિભાવો નિહાળી આનંદ>>>ચંદ્રવદન
DR. CHANDRAVADAN MISTRY
March 30th, 2010 at 2:14 pmpermalink
ફરી આવ્યો….સુધારો નિહાળી આનંદ
unterdeep
March 31st, 2010 at 9:55 ampermalink
સુંદર ગઝલ,
તમારી જેમ હું પણ ગઝલ શીખી રહ્યો છું, આપને પણ શુબકામના,
હાલ મે પણ એક નવી ગઝલ લખવાની કોશિશ કરી છે, આપને આ યાત્રામાં એકબીજાને માદદરૂપ થઈ શકીએ છીએ.
deepak
May 6th, 2010 at 6:32 ampermalink
“મારૂ હોવુ કે ના હોવુ એક છે,
જીવવાનું છે હવે તારા વગર
ગાન પંખીઓએ છોડ્યાં છે હવે,
એ વિરહની આગમાં બળશે હ્રદય
કોણ આંખોમાં હશે તારા વગર.”
સુંદર – વિરહ અને વફાદારી રચના
પટેલ પોપટભાઈ
May 23rd, 2010 at 12:19 pmpermalink
આખી ગઝલ જ સરલ સહજ ગહન
dilip
August 16th, 2016 at 10:51 pmpermalink