26 Jan 2010
શ્યામના સપના !
સખા તારી જ
પ્રીતનાં રંગે મને
રંગેલી કરી
ગઝલ
ચૂંદડી તેં શ્યામ, રંગેલી કરી,
વાંસળીથી શ્યામ, તે ઘેલી કરી.
મેં કર્યા રસ્તા હ્રદયમાં આવવા,
શ્યામ જો, મેં આંખમાં ડેલી કરી.
નીર ધારે ચાલતો તું આવજે,
પ્રેમરસની આજ મેં રેલી કરી.
બાવરી હું બાવરી વનવન ફરું,
શ્યામ શીદને ભાન ભૂલેલી કરી ?
શ્યામ તું તો, રુક્ષ્મણિનો કંથ છે,
કેમ રાધા જગમહીં પહેલી કરી ?
શ્યામ મળવા કુંજગલીઓમાં ફરું
વ્રજની ગોપીઓ મેં સાહેલી કરી.
ચૂલે આંધણ નાથ બળતાં જાય રે,
લોક હસતા, શ્યામ તેં છેલી કરી.
છોડ મુજ નાજુક કલાઈ કહાન તું
જો ચૂડીઓ તેં જ તુટેલી કરી.
શ્યામના ‘સપના’ નયનમાં હું સજુ
હેતની હૈયામાં તેં હેલી કરી.
-સપના વિજાપુરા
છંદઃગાલગાગા ગાલગાગા ગાલગા
હેતની હૈયામાં તેં હેલી કરી…..
સુંદર રચના !
અભિનંદન !
P Shah
January 26th, 2010 at 6:46 ampermalink
સખી, તમારી
બહું નોખી લાગે છે.
પ્રિત ની રીત
— કુમાર મયુર —
મારો બ્લોગ આપના આગમનની પ્રતિક્ષા કરી રહ્યો છે.
તો અવશ્યથી પધારજો
http://www.aagaman.wordpress.com
Mayur Prajapati
મયુર
January 26th, 2010 at 6:46 ampermalink
શ્યામ તું તો, રુક્ષ્મણિનો કંથ છે,
કેમ રાધા જગમહીં પહેલી કરી ?
શ્યામના ‘સપના’ નયનમાં હું સજું
હેતની હૈયામાં તેં હેલી કરી.
સુંદર આસ્વાદ્ય શ્યામરંગી પ્રણયરંગી ઘેલી ગોપીભાવની રચના આથીય સુંદર લઈ આવો તેવી આશા સાથે.
dilip
January 26th, 2010 at 7:27 ampermalink
સરસ ગઝલ.
આ છંદ તમને સહજ છે અને સારી રીતે જ્ળવાયો પણ છે.
જવલ્લે જ વપરાતો છેલી શબ્દપ્રયોગ ગમ્યો.
Pancham Shukla
January 26th, 2010 at 1:08 pmpermalink
સરસ અભિવ્યક્તિ.
vimal agravat
January 26th, 2010 at 1:30 pmpermalink
હાઈકુ પણ સરસ છે અને રજુઆત પણ રાધાશ્યામના અનુરુપ ચિત્ર સાથે પ્રણયરંગી રચના વાંચવી ગમે, લલકારવી પણ ગમી જાય લખતાં રહો..એજ અભિલાષા.
dilip
January 26th, 2010 at 3:13 pmpermalink
સરસ હાઈકુ સાથે માણવી ગમે એવી શ્યામ રંગી ગઝલ!
સુધીર પટેલ.
sudhir patel
January 26th, 2010 at 8:10 pmpermalink
સરસ ગઝલ,કૃષ્ણભાવ અને મસ્તીનું ગુંથણ સારું થયુ છે.
himanshu patel
January 27th, 2010 at 5:46 ampermalink
સરસ.
Heena Parekh
January 27th, 2010 at 3:23 pmpermalink
શ્યામના ‘સપના’ નયનમાં હું સજુ
હેતની હૈયામાં તેં હેલી કરી.
-સપના વિજાપુરા
મનના ભક્તિસભર ભાવને ગઝલમાં આપે અનોખી રીતે
ઢાળ્યા છે.તાજગી ભરી કૃતિ લાગી.
રમેશ પટેલ(આકાશદીપ)
Pl find time to visit and comment
સ્વરચિત અને ગમતીલી ગદ્ય અને પદ્ય રચનાઓ
http://nabhakashdeep.wordpress.com/ Invited and a request to visit
With regards
Ramesh Patel(Aakashdeep)
Ramesh Patel
January 28th, 2010 at 2:46 ampermalink
છોડ મુજ નાજુક કલાઈ કહાન તું
જો ચૂડીઓ તેં જ તુટેલી કરી.
ચૂડીઓ તૂટવાનો અર્થ છે પોતાના સૌભાગ્યનો નાશ. પરંતુ અહીં જે રીતે તમે એને પ્રયોજ્યો છે એ ભાવ ખુબ ઊંડો અને દાદ માગી લે એવો છે. ગોપીઓ કૃષ્ણના પ્રેમમાં એટલી ડૂબી જતી હતી કે પોતે પરણેલી છે, ગૃહસ્થી છે એવું સાનભાન ભુલી કૃષ્ણ પાછળ પાગલ બની દોડતી. એ રીતે જોઈએ તો પ્રેમની એ પ્રબળતા આ બે પંક્તિઓમાં સુંદર રીતે પ્રકટ થઈ છે.
Daxesh Contractor
January 28th, 2010 at 7:53 pmpermalink
સરસ … ભાવની હેલી…
લતા હિરાણી
Lata Hirani
January 29th, 2010 at 9:30 pmpermalink
સ્વપ્ના બેન્ ૧૭ શબ્દ અટલે હાયકુ નહી, જો આપણને કાવ્ય શુ છે એ ખબર ન હોય તો કારણ વિના કોઈ ને ખાલિ પણ ન કહેવુ કે તમારી હાયકુમા mastery Che. આ પ્રેમ તો વાદરાના હાથમા દીવો આપવા જેવી વાત થઈ….
preetam lakhlani
February 2nd, 2010 at 6:38 pmpermalink
Bhabhi,
Welcome home. I missed your writing and poems.
A most beautiful, Tickling writing of yours is always enjoyed by us and i always look forward to red more.
God bless you and hope your trip had a stunning experience of world and People.
Sanji Bhatt
Santosh Bhatt
March 12th, 2010 at 5:55 ampermalink
ચૂંદડી તેં શ્યામ, રંગેલી કરી,
વાંસળીથી શ્યામ, તેં ઘેલી કરી.
કૃષ્ણપ્રેમથી છલોછલ ભરેલું આખું કાવ્ય ખૂબ જ ગમ્યું. ઉપરનો શેર વાંચતાં આદિલનો આ શેર યાદ આવ્યોઃ
વાંસળી પડઘાય આખ્ખા ગામમાં
કૃષ્ણ એવું શું છે તારા નામમાં
લખતાં રહો સપનાબહેન.
આ કાવ્ય તમારા પ્રગટ થનારા સંગ્રહ ‘ખૂલી આંખનાં સપનાં’ માં છે?
– – ગિરીશ પરીખ મોડેસ્ટો કેલિફોર્નિયા
‘આદિલના શેરોનો આનંદ’ માણો અને વહેંચોઃ
http://www.girishparikh.wordpress.com
Girish Parikh
May 17th, 2010 at 7:10 pmpermalink
કૃષ્ણ પ્રેમથી છલોછલ ભરેલું કાવ્ય.
ચૂંદડી તેં શ્યામ, રંગેલી કરી,
વાંસળીથી શ્યામ, તેં ઘેલી કરી.
ઉપરનો શેર વાંચતાં આદિલનો નીચેનો શેર યાદ આવ્યોઃ
વાંસળી પડઘાય આખ્ખા ગામમાં
કૃષ્ણ એવું શું છે તારા નામમાં
સપનાબહેન, તમારા પ્રકાશિત થનારા કાવ્યસંગ્રહ ‘ખૂલી આંખનાં સપનાં’ માં આ કાવ્ય છે?
Girish Parikh
May 17th, 2010 at 11:08 pmpermalink
સરસ્…કાનાની યાદ.
ગમી
….ચંદ્રવદન્
Dr. Chandravadan Mistry
http://www.chandrapukar.wordpress.com
Hope to see you @ Chandrapukar !
DR. CHANDRAVADAN MISTRY
August 18th, 2014 at 4:39 ampermalink
મજાની રચના…કૃષ્ણ પ્રેમની સુંદર અભિવ્યક્તિ..
અશોક જાની 'આનંદ'
August 18th, 2014 at 7:48 ampermalink
શ્યામ તું તો, રુક્ષ્મણિનો કંથ છે,
કેમ રાધા જગમહીં પહેલી કરી ?
જન્માષ્ટમીના, પ્રસંગે આપની શ્યામની રચના ખુબ જ ગમી આપની વ્યાપક મનોભાવના અને અભ્યાસ દર્શાવે છે..બાટલીના કવિ સંમેલન માં પણ મહેક ટંકારવીએ શ્યામ નું સુંદર મુક્તક રજુ કર્યુ..
આપની આ રચના ગમી જાય તેવી છે.
dilip
August 19th, 2014 at 3:45 ampermalink
ક્રુષ્ણ પ્રેમની મધુર ગઝલ… !!
અશોક જાની 'આનંદ'
August 17th, 2017 at 4:43 ampermalink