21 Sep 2016

દાવો લાગે છે

Posted by sapana

writing

સંબંધોનો મોટો બોજો લાગે છે!!
હર દિલમાં પ્રેમ થોડો ઓછો લાગે છે!!

સાંધુ સાંધુ ને તૂટે દોરી પાછી
પે’લેથી આ કાચો ધાગો લાગે છે!!

બારીઓ ને દરવાજા ખોલો સઘળાં
મારાં તો રૂંધાતાં શ્વાસો લાગે છે!!

માંના પગમાં જન્નત હોવાની વાતો!!
કોઈનો આ ખોટો દાવો લાગે છે!!

દેવાવાળો તો બેઠો છે દિલ ખોલી
અધખૂલો મારો આ ખોબો લાગે છે!!

લોકો સાથે ઝગડી ઝગડીને શું કરું
આ મારો રૂપિયો ખોટો લાગે છે

ક્યાંની ક્યાં જોડી જોડે છે હે ઈશ્વર
શાને આ ગરબડ ગોટાળૉ લાગે છે!!

કહી દે શબ્દોમાં “સપના”દિલની વાતો
એથી દિલનો બોજો હલકો લાગે છે!!

સપના વિજાપુરા

Subscribe to Comments

4 Responses to “દાવો લાગે છે”

  1. કેલિફોર્નીઆ ફાવે છે કે? ઘણો સમય શિકાગો રહ્યાં એટલે શરૂઆતમાં અતડું લાગશે. દીકરો-વહુ સાથે હોય એટલે ફાવે તો ખરું જ.

     

    Valibhai Musa

  2. કહી દે શબ્દોમાં “સપના”દિલની વાતો
    એથી દિલનો બોજો હલકો લાગે છે!!
    —સપના વિજાપુરા
    આજ ને આમ જ સધળી સૌની વાતો
    કહી દઈએ તોય દિલ ભારે લાગે છે!!
    —-રેખા શુક્લ
    રોજ રોજ નવુ જૂનુ વાગોળતા આપણે એકબીજા ની પાસે લાગે છે!!
    ચાલ જિંદગી થોડું બેસીએ હવે કશું જ ના મુજ ને ખાસ લાગે છે!!
    —રેખા શુક્લ
    સુંદર રચના સપના

     

    Rekha Shukla

  3. વાહ! માંની દર્દિલી ગઝલ. બહુ સરસ રચના.
    દિલની આહથી ઊઠે ગઝલ, પ્રેમની મીઠી મધુરી એ ફસલ.

     

    Saryu Parikh

  4. શાને આ ગરબડ ગોટાળૉ લાગે છે!!……સરસ્.. બધા શેર ગમ્યા….

     

    Pravin Shah

Leave a Reply

Message: