4 Sep 2016

બહેર આપો

Posted by sapana

200355364-001

ઉદાસીને ખુશીની એક લહેર આપો
ગઝલને આ નવી કોઇ પણ બહેર આપો

કાં તો મીરાની જેવું એક જિગર મને દો
નહીંતર એક પ્યાલો મુજને ઝહેર આપો

જુનાં મિત્રો જુનાં સંબંધ નથી હવે તો
નવાં મિત્રો નવું કોઇ એક શહેર આપો

છે બેઘર રોઝદારો ભૂખ ને પ્યાસ માર્યા
કર્યુ છે કામ જેણે એને કહેર આપો

છે સપનાં શુષ્ક ખૂલી આંખનાં કયારથી પણ
એ ભીંજવવાં મજાની એક નહેર આપો

સપના વિજાપુરા

Subscribe to Comments

4 Responses to “બહેર આપો”

  1. ગઝલ સારી છે.
    જુનાં મિત્રો જુનાં સંબંધ નથી હવે તો
    નવાં મિત્રો નવું કોઇ એક શહેર આપો
    નવા શહેરમાં ગિઠવાઈ ગયાં હશો.
    સરયૂ પરીખ્

     

    Saryu Parikh

  2. સુન્દર ગઝલ ……

     

    dilip

  3. સુંદર રચના…

     

    વિવેક ટેલર

  4. Awesome one again and again !
    રેખા શુક્લ

     

    sapana

Leave a Reply

Message: