20 Jun 2009
આકાર ક્યાં છે?
આકાર ક્યાં છે?
અડગ જીવન તણો આધાર ક્યાં છે?
અટલ આ મૃત્યુ પણ લાચાર ક્યાં છે?
સ્વીકારૂ છું-હ્રદયમાં તું રહે છે,
પિછાણું કઈ રીતે?આકાર ક્યાં છે?
વિરહમાં તું ય તડપે છે સખા, ને,
મને પણ ઝપ હવે પળવાર ક્યાં છે?
નમું શાને તને કર શીશ ઢોળી?
વરસવા તું ય તે તૈયાર ક્યાં છે?
હશે આરામથી એ માન તું, દિલ,
ખટક દિલમાં ય પારાવાર ક્યાં છે?
નયન છો ને નીરખતા લાખ સપના!
કે સપનાં કોઈ પણ સાકાર ક્યાં છે?
છંદઃ લગાગાગાલગાગાગાલગાગા
સપના
બહુ સરસ
bharat suchak
June 20th, 2009 at 6:05 pmpermalink
કવિતા નિયમિત લખો છો..ઘણોઅજ આનંદ થાય છે. એ પણ સુંદર કવિતા..છંદ સાથે…
vishwadeep
June 20th, 2009 at 6:31 pmpermalink
ખુબ જ સરસ્
બસ આમ જ લખતા રહો
http://www.aagaman.wordpress.com
Mayur Prajapati
Mayur Prajapati
June 21st, 2009 at 7:30 ampermalink
ઘણા સમય પછી નવો છંદ પકડ્યો એ જોઈ આનંદ થયો…
એક ચેતવણી મિત્ર હોવાના નાતે આપું?
છંદના રસ્તે ચાલવા મથી રહ્યા છો ત્યારે કોઈ નિષ્ણાતના સતત સંપર્કમાં રહી જે નાની નાની ભૂલો થાય છે એ નિવારવાની પ્રામાણિક કોશિશ કરો. અત્યારે જો એ નહીં કરી શકો તો આખી જિંદગી છંદના નામે કાખઘોડી લઈ જ લંગડાતી રહેશે તમારી સહુ રચનાઓ…
જોડાક્ષરને લઘુ તરીકે ન લઈ શકાય. જિંદગી (જિન્ + દ+ ગી) લગાગા નહીં પણ ગાલગા છે. એજ રીતે અંતર (અન્ +તર) પણ લગા નહીં ગાગા છે. ‘ચેન’ ગાલ છે પણ ‘ચેન જ’ વાપરો તો ગાગા થઈ જાય. જ આગલા ન સાથે જોડાઈને એને ગુરુભાર આપે છે. ‘સમક્ષ’ (સ+ મક્ + શ) ગાગા નહીં પણ લગાલ છે. નયન લગા છે…
વિવેક ટેલર
June 21st, 2009 at 7:34 ampermalink