30 Aug 2012

ઉદાસ રહે છે

Posted by sapana

 

એક આખું ગામ ઉદાસ રહે છે
લોક એવા એની પાસ રહે છે

હોય દંગા એમા રોજ ફસાદ
ધર્મને નામે કંકાસ રહે છે

શેઠનાં મોટા મ્હેલો છે હજી ત્યાં
પણ સ્મશાને એની લાશ રહે છે

પાનખર આવી છે આજ ચમન પર
લાગણીની તોય સુવાસ રહે છે

કેસરી આછાં પ્યારા ગુલમ્હોર
ગામમાં થોડોક ઉજાસ રહે છે

વહેણ વાળી લીધાં કોઇએ નદીના
બંધના પાણીમાં વાસ રહે છે

ગામ મારું હતું રળિયામણું એવું
આજ પણ સપનેય કુમાશ રહે છે

ગામ બદલાશે કોઈ તો હશે જે
આવશે સપનાને આસ રહે છે

સપના વિજાપુરા
૮-૨૬-૨૦૧૨

 

Subscribe to Comments

12 Responses to “ઉદાસ રહે છે”

  1. આવશે સપનાને આસ રહે છે
    સરસ !

     

    Pravin Shah

  2. સરસ !

     

    વિવેક ટેલર

  3. સુંદર રચના……!!

     

    અશોક જાની 'આનંદ'

  4. એક આખું ગામ ઉદાસ રહે છે
    લોક એવા એની પાસ રહે છે

    પાનખર આવી છે આજ ચમન પર
    લાગણીની તોય સુવાસ રહે છે
    ——
    મેચ નથી થતુ .

     

    સુરેશ જાની

  5. મત્લા આખી ગઝલ જેવો જોરદાર
    પાનખર આવી છે આજ ચમન પર
    લાગણીની તોય સુવાસ રહે છે
    વાહ્
    યાદ
    વસંતે બેઉને સરખાં જ સદભાવે ઉછેર્યાં, પણ;
    કહે છે પાનખર : ફૂલો નહીં, હું ખાર રાખું છું !

    મને આ વિશ્વ કેરી જિંદગીનો પ્યાર પણ કેવો !
    કે જન્નતના બધાં સુખચેન પેલે પાર રાખું છું!

     

    pragnaju

  6. સરસ ભાવ,સપના. ફ્લોરીડાના પોએટ્રી ફેસ્ટીવલમાં પ્રત્યક્ષ સાંભળવાની પણ મઝા આવી હતી..

     

    Devika

  7. મારા ગામમાં તો હું ..
    દોડતી ને કુદત રહુ છું….

    મારી આખોને હસતી .રમતી રાખું છું..
    કોઈકના સુના દિલ પર હું બેન બની..તો દિકરી બની….ને

    જીવંત રહું છું…
    કેસરી ગુલમહોર હોય કે…

    કે..નદીને તરોતાજા કે ..
    ઉભરાયેલ નીર..

    બધાંને જોઈએ..માત્ર ને માત્ર ..
    સપનાં કેરાં સબંધ………………ને હું તો મારા ગામમાં દોડતી ને…..

     

    Kiran Shah

  8. એક માણેલી મીઠી સુવાસનો સુંદર તલસાટ ગઝલમાં છવાયો છે.

    રમેશ પટેલ(આકાશદીપ)

     

    Ramesh Patel

  9. ગામની યાદ….સપના એવી યાદમાં લખે સુંદર શબ્દોમાં…જે વાંચી ચંદ્ર ખુશ થઈ લખે….>>>>
    બેન, મારી તું ના થા ઉદાસ,
    પાનખર પછી હોય ખુશીનો પ્રકાશ,
    ધર્મના નામે આજે છે જે કંકાસ,
    ખુદા કે ઈશ્વર એક સમજે ફરી પ્રકાશ,
    જે થશે તે ગમશે જરૂર સપનાને,
    એવું જાણી, ખુશી હશે ચંદ્રને !
    …..ચંદ્રવદન
    DR. CHANDRAVADAN MISTRY
    http://www.chandrapukar.wordpress.com
    Inviting All to Chandrapukar !

     

    DR.CHANDRAVADAN MISTRY

  10. ગામ બદલાશે કોઈ તો હશે જે
    આવશે સપનાને આસ રહે છે
    સુન્દર ગઝલ….આપના વિડીઓમાં સાંભળી..
    હું આમ જ ઉમેરું……..
    આમ તેનો સર્વમાં વાસ રહે છે
    પૂષ્પમાં એની જ સુવાસ રહે છે.

     

    dilip

  11. I like ur tittle subjective poem,send me mail for officially publish right.congrates.

     

    pradip raval

  12. પાનખર આવી છે આજ ચમન પર
    લાગણીની તોય સુવાસ રહે છે

     

    shailesh jadwani

Leave a Reply

Message:

 


Warning: Invalid argument supplied for foreach() in /homepages/1/d487227804/htdocs/wp-includes/script-loader.php on line 2781