26 Oct 2011

એ દિવાળી ક્યાં?

Posted by sapana

Diwali_Diya

બાનું એ મોટું ફળીયું

એ  ફળીયામાં લંગડી રમતી

પકડા પકડી રમતી

આંધળીયો પોતલીયો રમતી

રાગણાં તાણીને અન્તકડી રમતી

બહાર ગરબીની આજુ બાજુ રાસ રમતી

અને દિવાળી આવતાં લારીવાળા પાસે થી

રંગ બે રંગી ચિરોડીના રંગ ખરીદતી

અને સવારે વહેલી ઊઠીને

રંગોળીની બુકમાં જોઈ રંગોળી બનાવતી

નવાં નવાં કપડાં પહેરીને મહાલતી

રાતે બાપાજીના અપાવેલા  ફટાકડાં ફોડતી

પપ્પાની સાયકલ પર બેસી ચોપડા પુજનમાં જતી

એ સપના ક્યાં ગઈ હશે????

એ નિર્દોષ બાળાનાં મનમાં

ફક્ત આનંદ અને ઉત્સાહ ભર્યા હતા

એને પોતાને ખબર ના હતી કે

એ ક્યાં ધર્મની છે?

ને કૉઈ વેર ઝેર મનમાં ના હતું

તો આ બીજ કોણે રોપ્યાં હશે ????

આ પાપકર્મ ક્યાં પંડિતે કે ક્યા મૌલવીએ કરેલું છે…

એની નિર્દોષતા છીનવવાનું દુષ્કાર્ય કોણે કર્યુ???

એની આંખોમાં હજું એ જ ભાતૃભાવનાનાં ‘સપનાં’ છે

એ જ સપનું કરોડો લોકોની આંખોમાં છે

સપના વિજાપુરા

૧૦.૨૩.૨૦૧૧

Subscribe to Comments

14 Responses to “એ દિવાળી ક્યાં?”

  1. હેપ્પી દિવાલી,,,,,,,,,,,,,
    તમારુ જીવન હંમેશા સૂખમય અને આનંદય બની રહે…

    આવનાર નવુ વર્ષ પણ અદ્દભૂત ખૂશીયો લઇને આવે…

    … દિપક્ની જેમ સદાય ઝ્ળહ્ળતા રહો અને ફૂલોની જેમ મંહેકતા રહો
    હાસ્ય તમારા ચહેરા પર સદાય હસતુ રહે,,,,

    નૂતન વર્ષાભિનંદન

     

    bhavesh

  2. એ સપના ક્યાં ગઈ હશે????
    એને પોતાને ખબર ના હતી કે /એ ક્યાં ધર્મની છે?
    હેપ્પી દિવાળી અને ન્યુ યર તમને, તમારા કુટુંબને તથા તમારા બ્લોગના
    પાઠકોને પણ.
    હિમાન્શુ અને પરિવાર તરફથી.

     

    himanshu patel

  3. કેટલી દૈવી એ ક્ષણો હતી. સાચી પાવન જીંદગી હતી, એટલા જ
    પાવન હૈયાના એ લોકો હતા.હ્ર્દય સ્પર્શી કવિતા આપના ભાવુક
    ઉરમાંથી વહેતી પાક સરિતા.
    આપને પ્રભુ સર્વ રીતે સુખી કરે એવી પ્રાર્થના.

    રમેશ પટેલ(આકાશદીપ)

     

    Ramesh Patel

  4. શ્રી બાનુમા

    દિપાવલી અને નવા વર્ષની ખૂબ ખૂબ શુભેચ્છાઓ.

     

    Atul Jani (Agantuk)

  5. સરસ, ભાવુક અભિવ્યક્તિ સપનાબેન….
    આપને સ-પરિવાર નૂત્તન વર્ષાભિનંદન અને દિપાવલી પર્વ નિમિત્તે અઢળક શુભકામનાઓ

     

    ડૉ.મહેશ રાવલ

  6. હૃદયના ભાવોને કોઈ ધર્મ કે જાતિ નથી હોતાં.

    આપ સૌને નવા વર્ષ માટે અંતરથી આશિષ અને શુભેચ્છાઓ .

     

    સુરેશ

  7. દિવાળીની ખુબ ખુબ શુભેચ્છાઓ.

     

    Preeti

  8. એ સપના ક્યાં ગઈ હશે????

    એ નિર્દોષ બાળાનાં મનમાં

    ફક્ત આનંદ અને ઉત્સાહ ભર્યા હતા

    એને પોતાને ખબર ના હતી કે

    એ ક્યાં ધર્મની છે?

    ને કૉઈ વેર ઝેર મનમાં ના હતું

    તો આ બીજ કોણે રોપ્યાં હશે ??? વાહ ખુબ સરસ..

     

    chandralekha rao

  9. એને પોતાને ખબર ના હતી કે

    એ ક્યાં ધર્મની છે?

    ને કૉઈ વેર ઝેર મનમાં ના હતું

    તો આ બીજ કોણે રોપ્યાં હશે ????

    આ પાપકર્મ ક્યાં પંડિતે કે ક્યા મૌલવીએ કરેલું છે…

    એની નિર્દોષતા છીનવવાનું દુષ્કાર્ય કોણે કર્યુ???

    એની આંખોમાં હજું એ જ ભાતૃભાવનાનાં ‘સપનાં’ છે

    એ જ સપનું કરોડો લોકોની આંખોમાં છે

    સપના વિજાપુરા
    >>>>>>>>>>>>>>>>>>>>>>>>>>>>>>>>>>>>>>
    સપનાબેન,
    આજની પોસ્ટમાં ફક્ત સપનાના દીલની “પૂકાર” છે !
    અહી ગઝલ્..કાવ્ય કે વાર્તા નથી ..ફક્ત સપના હ્રદયમાંથી વહેતા ઝરણાના નીરના શબ્દો છે !

    સપના જેમ નાની હતી તેવી જ સપના આજે પણ “ચંદ્ર નજરે” દેખાય છે. સપનાને નયનોથી નિહાળી નથી પણ મનથી જાણી છે. દિવાળીની મારી આશાઓ કે સપના એવી જ રહે…એ “માનવતા” ભરી રહે !
    ….ચંદ્રવદન (ભાઈ)
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Hope to see all on Chandrapukar for the Varta Posts !

     

    DR. CHANDRAVADAN MISTRY

  10. આપને, પરિવારજનોને તથા સૌ વાચક મિત્રોને દિપાવલી અને નૂતન વર્ષની હાર્દિક શુભેચ્છાઓ અન્દ અભિનંદન!
    સુધીર પટેલ.

     

    sudhir patel

  11. શુભ દિપાવલી અને નૂતન વર્ષાભિનંદન. ઉમદા ભાવો પદ્યસ્થ થયા છે.

     

    Pancham Shukla

  12. એક નિર્દોષ બાળક મોટું થતાં થતાં હિંદુ, મુસ્લિમ, ખ્રિસ્તી કે પારસી બની જાય એ આપણી સમાજ વ્યવસ્થાની દેણગી છે, બહેતર છે કે આપણે આજીવન બાળક બની રહીએ..
    સુન્દર અભિવ્યક્તિ ભર્યું કાવ્ય…!!!

     

    અશોક જાની 'આનંદ'

  13. સુંદર ભાવ અને અભિવ્યક્તિ …
    તમારી વાત વાંચી મારી ગઝલનો એક શેર યાદ આવી ગયો ..

    એક બાળકનું કુતૂહલ એટલે શમતું નથી,
    કોઈ પંડીત મૌલવી દીઠા નહીં ‘એના ઘરે’.

    મોડી મોડી પણ દિપાવલી અને નૂતન વર્ષની શુભેચ્છાઓ ..

     

    Daxesh Contractor

  14. ખુબ જ સુન્દર અછાન્દસ્.આપને શુભ દિપાવલિ..

     

    dilip

Leave a Reply

Message:

 


Warning: Invalid argument supplied for foreach() in /homepages/1/d487227804/htdocs/wp-includes/script-loader.php on line 2781