21 Jul 2010
યાદ હતું
ઉદાસીમાં તું
આસપાસ હોય છે
બીજું કો નહીં
ઉદાસીમાં એ નામ યાદ હતું
મહેંક્યુ રણ મહી ગુલાબ હતુ
જરા જેવું રહ્યુ હવે છોલાઈને
હ્રદય મારું બહુ વિશાળ હતું
ઘણાં વરસો ગયાં સવાલ ઉપર
આ જીવન મારું? કે ઉધાર હતું
ઉદાસ ન થા સખા અસુવનથી
નયનનું આજ એક કામ હતું
સખા દિલ આવશે બહાર ધસી
કહે તું રક્તનું દબાણ હતું
સખા સપનાં થયાં છે સુગંધી
સખી મારું જ આવ જાવ હતું
છંદ -લગાગા ગાલગાલ ગાલલગા
-સપના વિજાપુરા
ખુબ જ સરસ….સખા અને સખી …વાહ, ખુબ જ સરસ….
પ્રવિણ કે.શ્રીમાળી
July 21st, 2010 at 1:41 pmpermalink
સુઁદર રચના!
rekha Sindhal
July 21st, 2010 at 4:07 pmpermalink
સુંદર ગઝલ ..ઉદાસી અને સખા અને સખીના અનુભવોની અભિવ્યક્તિ !
dilip
July 22nd, 2010 at 9:46 ampermalink
સુંદર રચના !
આનંદ થયો !!
ચંદ્રવદન
DR. CHANDRAVADAN MISTRY (Chandrapukar)
http://www.chandrapukar.wordpress.com
Hope to see you on my Blog !
DR. CHANDRAVADAN MISTRY
July 22nd, 2010 at 2:35 pmpermalink
ગઝલ છંદની રીતે બરાબર હશે પણ કાફિયા હજી સારા મળી શક્યા હોત. તમારી આનાથી સારી રચનાઓ વાંચી છે એટલે એમ લાગ્યું કે આ રચનામાં માવજત ઓછી થઈ છે.
Daxesh Contractor
July 23rd, 2010 at 12:44 ampermalink
મા બેન સપના
ખુબજ સુંદર ગઝલ
“આ જીવન મારું ? કે ઉધાર હતું ” ( છે ??? ) વાહ !!!
પટેલ પોપટભાઈ
July 23rd, 2010 at 6:53 ampermalink
શ્રી બાનુ મા,
હાઈકુ બહુ સરસ બન્યું છે.
ઉદાસીમાં તું
આસપાસ હોય છે
બીજું કો નહીં
જીવન જાણે ક્રુરુક્ષેત્રની લડાઈ અને લડાઈમાં તો હાર-જીત હોય, અને ઉદાસી તો હાર હોય કે જીત હોય પણ હોય, હોય ને હોય જ. અને તેવે વખતે જે યાદ આવે તે જ સાચો સખા કહેવાયને.
આપની રચનાઓ સરળ હોવા છતાં પણ ગહન હોય છે.
પ્રણામ.
Atul Jani (Agantuk)
July 29th, 2010 at 7:28 pmpermalink
ઉદાસીમાં એ નામ યાદ હતું
મહેંક્યુ રણ મહી ગુલાબ હતુ
……….
દાદ મળે એવો શેર…ગમી ગયો.
સરસ ગઝલ,સપનાબેન
રમેશ પટેલ(આકાશદીપ)
Ramesh Patel
August 17th, 2010 at 2:05 ampermalink