22 Apr 2009
છેલ્લી મુલાકાત
છેલ્લી મુલાકાત
હા યાદ છે મને એ છેલ્લી મુલાકાત,
કેમ કરી ભૂલું એ છેલ્લી મુલાકાત.
આંસુંથી ભીંજાઈ ગયું’તુ તારું શર્ટ,
ઘર કરી ગઈ મનમાં એ છેલ્લી મુલાકાત.
સમયનું ભાન ભૂલી મૌન બની બેસવું,
મૌન બનેલી ક્ષણોની છેલ્લી મુલાકાત.
સમી સાંજ અને સમુદ્ર તટ ના મોજાં,
પ્રકૃતિ નિહાળી રહી આપણી છેલ્લી મુલાકાત.
સ્વીકાર્ય નથી હ્રદયને આજ સુધી,
સરળતાથી તે કહ્યુ આ છે છેલ્લી મુલાકાત.
અંત સુધી તો મારા આવી જ જે સાજન,
કે પછી નસીબમાં નથી છેલ્લી મુલાકાત?
સપનાં તને દુનિયા દીવાની સમજે,
છેલ્લી મુલાકાતને ન સમજે છેલ્લી મુલાકાત.
સપના
હ્મ્મ સરસ મઝની રચન છે, હ્રદયસ્પર્શી.
Chirag Patel
April 26th, 2009 at 12:24 ampermalink
આભાર ચિરાગ,
સપના
sapana
April 26th, 2009 at 4:16 pmpermalink