30 Aug 2012
ઉદાસ રહે છે
એક આખું ગામ ઉદાસ રહે છે
લોક એવા એની પાસ રહે છે
હોય દંગા એમા રોજ ફસાદ
ધર્મને નામે કંકાસ રહે છે
શેઠનાં મોટા મ્હેલો છે હજી ત્યાં
પણ સ્મશાને એની લાશ રહે છે
પાનખર આવી છે આજ ચમન પર
લાગણીની તોય સુવાસ રહે છે
કેસરી આછાં પ્યારા ગુલમ્હોર
ગામમાં થોડોક ઉજાસ રહે છે
વહેણ વાળી લીધાં કોઇએ નદીના
બંધના પાણીમાં વાસ રહે છે
ગામ મારું હતું રળિયામણું એવું
આજ પણ સપનેય કુમાશ રહે છે
ગામ બદલાશે કોઈ તો હશે જે
આવશે સપનાને આસ રહે છે
સપના વિજાપુરા
૮-૨૬-૨૦૧૨
આવશે સપનાને આસ રહે છે
સરસ !
Pravin Shah
August 30th, 2012 at 5:31 ampermalink
સરસ !
વિવેક ટેલર
August 30th, 2012 at 8:25 ampermalink
સુંદર રચના……!!
અશોક જાની 'આનંદ'
August 30th, 2012 at 12:44 pmpermalink
એક આખું ગામ ઉદાસ રહે છે
લોક એવા એની પાસ રહે છે
—
પાનખર આવી છે આજ ચમન પર
લાગણીની તોય સુવાસ રહે છે
——
મેચ નથી થતુ .
સુરેશ જાની
August 30th, 2012 at 1:33 pmpermalink
મત્લા આખી ગઝલ જેવો જોરદાર
પાનખર આવી છે આજ ચમન પર
લાગણીની તોય સુવાસ રહે છે
વાહ્
યાદ
વસંતે બેઉને સરખાં જ સદભાવે ઉછેર્યાં, પણ;
કહે છે પાનખર : ફૂલો નહીં, હું ખાર રાખું છું !
મને આ વિશ્વ કેરી જિંદગીનો પ્યાર પણ કેવો !
કે જન્નતના બધાં સુખચેન પેલે પાર રાખું છું!
pragnaju
August 30th, 2012 at 3:12 pmpermalink
સરસ ભાવ,સપના. ફ્લોરીડાના પોએટ્રી ફેસ્ટીવલમાં પ્રત્યક્ષ સાંભળવાની પણ મઝા આવી હતી..
Devika
August 30th, 2012 at 3:24 pmpermalink
મારા ગામમાં તો હું ..
દોડતી ને કુદત રહુ છું….
મારી આખોને હસતી .રમતી રાખું છું..
કોઈકના સુના દિલ પર હું બેન બની..તો દિકરી બની….ને
જીવંત રહું છું…
કેસરી ગુલમહોર હોય કે…
કે..નદીને તરોતાજા કે ..
ઉભરાયેલ નીર..
બધાંને જોઈએ..માત્ર ને માત્ર ..
સપનાં કેરાં સબંધ………………ને હું તો મારા ગામમાં દોડતી ને…..
Kiran Shah
August 30th, 2012 at 4:40 pmpermalink
એક માણેલી મીઠી સુવાસનો સુંદર તલસાટ ગઝલમાં છવાયો છે.
રમેશ પટેલ(આકાશદીપ)
Ramesh Patel
August 30th, 2012 at 11:57 pmpermalink
ગામની યાદ….સપના એવી યાદમાં લખે સુંદર શબ્દોમાં…જે વાંચી ચંદ્ર ખુશ થઈ લખે….>>>>
બેન, મારી તું ના થા ઉદાસ,
પાનખર પછી હોય ખુશીનો પ્રકાશ,
ધર્મના નામે આજે છે જે કંકાસ,
ખુદા કે ઈશ્વર એક સમજે ફરી પ્રકાશ,
જે થશે તે ગમશે જરૂર સપનાને,
એવું જાણી, ખુશી હશે ચંદ્રને !
…..ચંદ્રવદન
DR. CHANDRAVADAN MISTRY
http://www.chandrapukar.wordpress.com
Inviting All to Chandrapukar !
DR.CHANDRAVADAN MISTRY
August 31st, 2012 at 12:26 ampermalink
ગામ બદલાશે કોઈ તો હશે જે
આવશે સપનાને આસ રહે છે
સુન્દર ગઝલ….આપના વિડીઓમાં સાંભળી..
હું આમ જ ઉમેરું……..
આમ તેનો સર્વમાં વાસ રહે છે
પૂષ્પમાં એની જ સુવાસ રહે છે.
dilip
September 3rd, 2012 at 11:52 pmpermalink
I like ur tittle subjective poem,send me mail for officially publish right.congrates.
pradip raval
September 30th, 2012 at 11:31 ampermalink
પાનખર આવી છે આજ ચમન પર
લાગણીની તોય સુવાસ રહે છે
shailesh jadwani
July 14th, 2013 at 7:57 ampermalink